Test; ಇಂಗ್ಲೆಂಡ್‌ ಲಯನ್ಸ್‌ ವಿರುದ್ಧ ಸಂಕಷ್ಟದಲ್ಲಿ ಭಾರತ ‘ಎ’

ಅಹ್ಮದಾಬಾದ್‌: ಪ್ರವಾಸಿ ಇಂಗ್ಲೆಂಡ್‌ ಲಯನ್ಸ್‌ ವಿರುದ್ಧ ನಡೆಯುತ್ತಿರುವ ಮೊದಲ ಅನಧಿಕೃತ ಟೆಸ್ಟ್‌ ಪಂದ್ಯದಲ್ಲಿ ರಜತ್‌ ಪಾಟಿದಾರ್‌ ಅವರ ಸೊಗಸಾದ ಶತಕದ ಹೊರತಾಗಿಯೂ ಭಾರತ “ಎ’ ತಂಡವು ಸಂಕಷ್ಟದಲ್ಲಿದೆ.

ಪಾಟಿದಾರ್‌ ಅವರು 132 ಎಸೆತಗಳಿಂದ 140 ರನ್‌ ಗಳಿಸಿ ಅಜೇಯರಾಗಿ ಉಳಿದಿದ್ದರೂ ಭಾರತ “ಎ’ ತಂಡ 2ನೇ ದಿನದಾಟದ ಅಂತ್ಯಕ್ಕೆ 8 ವಿಕೆಟಿಗೆ 215 ರನ್‌ ಗಳಿಸಲಷ್ಟೇ ಶಕ್ತವಾಗಿದೆ. ಮೊದಲ ಇನ್ನಿಂಗ್ಸ್‌ನಲ್ಲಿ ಮುನ್ನಡೆ ಸಾಧಿಸಲು ಭಾರತ “ಎ’ ಇನ್ನೂ 338 ರನ್‌ ಗಳಿಸಬೇಕಾಗಿದೆ. ಈ ಮೊದಲು ಇಂಗ್ಲೆಂಡ್‌ ಲಯನ್ಸ್‌ ಎಂಟು ವಿಕೆಟಿಗೆ 553 ರನ್‌ ಗಳಿಸಿ ಮೊದಲ ಇನ್ನಿಂಗ್ಸ್‌ ಡಿಕ್ಲೇರ್‌ ಮಾಡಿಕೊಂಡಿತ್ತು.

ಇಂಗ್ಲೆಂಡಿನ ಫಿಶರ್‌ ಸೇರಿದಂತೆ ಪಾಟ್ಸ್‌ ಮತ್ತು ಪಾರ್ಕಿನ್ಸನ್‌ ಅವರ ದಾಳಿಗೆ ತತ್ತರಿಸಿದ ಭಾರತ “ಎ’ ತಂಡವು 95ಕ್ಕೆ 7 ವಿಕೆಟ್‌ ಕಳೆದುಕೊಂಡು ಶೋಚನೀಯ ಸ್ಥಿತಿಗೆ ತಲುಪಿತ್ತು. ಕೊನೆ ಹಂತದಲ್ಲಿ ಪಾಟಿದಾರ್‌ ಅವರು ತುಷಾರ್‌ ಮತ್ತು ಸೈನಿ ಜತೆಗೆ ಉತ್ತಮ ಜತೆಯಾಟದ ಆಟ ಆಡಿದ್ದರಿಂದ ತಂಡದ ಮೊತ್ತ 200ರ ಗಡಿ ದಾಟುವಂತಾಯಿತು.