Hockey: ಚೀನ ವಿರುದ್ಧ ಜಯಭೇರಿ; ಸೆಮಿಫೈನಲ್‌ಗೆ ಭಾರತ

ರಾಜ್‌ಗಿರ್‌ (ಬಿಹಾರ: ಒಲಿಂಪಿಕ್ಸ್‌ ಬೆಳ್ಳಿ ಪದಕ ವಿಜೇತ ಚೀನವನ್ನು 3-0 ಗೋಲುಗಳಿಂದ ಬಗ್ಗುಬಡಿದ ಹಾಲಿ ಚಾಂಪಿಯನ್‌ ಭಾರತ, ವನಿತಾ ಏಷ್ಯನ್‌ ಚಾಂಪಿಯನ್ಸ್‌ ಟ್ರೋಫಿ ಹಾಕಿ ಪಂದ್ಯಾವಳಿಯ ಸೆಮಿಫೈನಲ್‌ ಪ್ರವೇಶಿಸಿದೆ.

ಸಂಗೀತಾ ಕುಮಾರಿ (32ನೇ ನಿಮಿಷ) ಮತ್ತು ನಾಯಕಿ ಸಲೀಮಾ ಟೇಟೆ (37ನೇ ನಿಮಿಷ) ಫೀಲ್ಡ್‌ ಗೋಲುಗಳ ಮೂಲಕ ಭಾರತಕ್ಕೆ ಮುನ್ನಡೆ ತಂದಿತ್ತರು. 3ನೇ ಗೋಲು ಅಂತಿಮ ಕ್ಷಣದಲ್ಲಿ ದೀಪಿಕಾ ಅವರಿಂದ ದಾಖಲಾಯಿತು. ಇದು ಭಾರತ ಸಾಧಿಸಿದ ಸತತ 4ನೇ ಗೆಲುವು. ಈ ಸೋಲಿನಿಂದ ಚೀನ 2ನೇ ಸ್ಥಾನಕ್ಕೆ ಕುಸಿಯಿತು.

ದಿನದ ಉಳಿದ ಪಂದ್ಯಗಳಲ್ಲಿ ಜಪಾನ್‌ 2-1 ಅಂತರದಿಂದ ಮಲೇಷ್ಯಾವನ್ನು ಹಾಗೂ ಕೊರಿಯಾ 4-0 ಅಂತರದಿಂದ ಥಾಯ್ಲೆಂಡನ್ನು ಮಣಿಸಿತು.