ನವದೆಹಲಿ: ದೇಶದ ಆರೋಗ್ಯ ಮೂಲಸೌಕರ್ಯಗಳನ್ನು ಅಭಿವೃದ್ಧಿಪಡಿಸುವ ನಿಟ್ಟಿನಲ್ಲಿ ವಿಶ್ವಬ್ಯಾಂಕ್‌ನೊಂದಿಗೆ ತಲಾ 4,092ಕೋಟಿ ರೂ. (500 ದಶಲಕ್ಷ ಡಾಲರ್‌) ಮೊತ್ತದ 2 ಸಾಲ ಒಪ್ಪಂದಗಳಿಗೆ ಭಾರತ ಸಹಿಹಾಕಿದೆ.
Advertisement
ಒಪ್ಪಂದದ ಅನ್ವಯ ವಿಶ್ವಬ್ಯಾಂಕ್‌ 8,200 ಕೋಟಿ ರೂ. ಹಣವನ್ನು, ಭಾರತಕ್ಕೆ ಸಾಲ ರೂಪದಲ್ಲಿ ನೀಡಲಿದ್ದು, ಈ ಮೂಲಕ ದೇಶಾದ್ಯಂತ ಸಾರ್ವಜನಿಕ ಮೂಲಸೌಕರ್ಯ ವೃದ್ಧಿಗೆ 2021ರಲ್ಲಿ ಪ್ರಾರಂಭಿಸಲಾದ ಪ್ರಧಾನಮಂತ್ರಿ ಆಯುಷ್ಮಾನ್‌ ಭಾರತ್‌ ಆರೋಗ್ಯ ಯೋಜನೆಯನ್ನು ಬೆಂಬಲಿಸುವುದಾಗಿ ತಿಳಿಸಿದೆ.
ಅಲ್ಲದೇ, 1 ಸಾಲ ಒಪ್ಪಂದವು ಆಂಧ್ರಪ್ರದೇಶ, ಮೇಘಾಲಯ, ಕೇರಳ, ಒಡಿಶಾ, ಪಂಜಾಬ್‌, ತಮಿಳುನಾಡು ಹಾಗೂ ಉತ್ತರ ಪ್ರದೇಶದಲ್ಲಿ ಆರೋಗ್ಯ ಮೂಲಸೌಕರ್ಯ ಅಭಿವೃದ್ಧಿಯನ್ನು ಆದ್ಯತೆಯನ್ನಾಗಿ ಪರಿಗಣಿಸಿದೆ ಎನ್ನಲಾಗಿದೆ.