ಮಹಾರಾಷ್ಟ್ರ: ಧ್ವನಿವರ್ಧಕಗಳಲ್ಲಿ ಪ್ರತೀ ದಿನವೂ ರಾಷ್ಟ್ರಗೀತೆ

ಮಹಾರಾಷ್ಟ್ರ:ಭಾರತಕ್ಕೆ ಸ್ವಾತಂತ್ರ್ಯ ಸಿಕ್ಕಿ 75 ವರ್ಷಗಳಾಗಿರುವ ಈ ಶುಭ ಸಮಯವನ್ನು ಆಚರಿಸುವ ನಿಟ್ಟಿನಲ್ಲಿ ಮಹಾರಾಷ್ಟ್ರದ ಔರಂಗಾಬಾದ್‌ ಜಿಲ್ಲೆಯ ಪತೋಡಾ ಗ್ರಾಮವು ಗ್ರಾಮದಾದ್ಯಂತ ಒಟ್ಟು 15 ಧ್ವನಿವರ್ಧಕ ಗಳನ್ನು ಹಾಕಿದೆ.

ಗ್ರಾಮ ಪಂಚಾಯತ್‌ ತನ್ನದೇ ನಿಧಿಯಿಂದ ಹಾಕಿರುವ ಈ ಧ್ವನಿವರ್ಧಕಗಳಲ್ಲಿ ಪ್ರತೀ ದಿನ ಬೆಳಗ್ಗೆ ರಾಷ್ಟ್ರಗೀತೆ ಪ್ರಸಾರ ಮಾಡುವುದಾಗಿ ತಿಳಿಸಲಾಗಿದೆ.

ಸುಮಾರು 4 ಸಾವಿರ ಮನೆಗಳಿರುವ ಈ ಗ್ರಾಮದಲ್ಲಿ ಪ್ರತೀ ದಿನ ತ್ರಿವರ್ಣ ಧ್ವಜ ಹಾರಿಸುವುದಕ್ಕೂ ಅನುಮತಿಯನ್ನು ಮೇಲಧಿಕಾರಿಗಳಲ್ಲಿ ಕೋರಿರುವುದಾಗಿ ತಿಳಿಸಿದ್ದಾರೆ ಗ್ರಾಮ ಅಭಿವೃದ್ಧಿ ಅಧಿಕಾರಿಯಾಗಿರುವ ಪುಂಡಲೀಕ ಪಾಟೀಲ್‌.