ಪ್ರಶಸ್ತಿಯಿಂದ ಜವಾಬ್ದಾರಿ ಹೆಚ್ಚಳ

ಹಳ್ಳೂರ: ಜಾನಪದ ಕಲಾ ರತ್ನ ಪ್ರಶಸ್ತಿ ಪಡೆಯುವುದರಿಂದ ಜವಾಬ್ದಾರಿ ಹೆಚ್ಚುತ್ತದೆ ಎಂದು ಜಿಲ್ಲಾ ಕಲಾವಿದರ ಪರಿಷತ್‌ ಜಿಲ್ಲಾಧ್ಯಕ್ಷ ರಾಮಚಂದ್ರ ಕಾಂಬಳೆ ಹೇಳಿದರು. ಸ್ಥಳೀಯ ಮಹಾಲಕ್ಷ್ಮೀದೇವಿ ಆವರಣದಲ್ಲಿ ಮಳೆ, ಬೆಳೆ, ಸುಖ, ಶಾಂತಿಗಾಗಿ ಕೊನೆಯ ವಾರದ ನಿಮಿತ್ತ ಜಾನಪದ ಕಲಾವಿದರಿಗೆ ಜಾನಪದ ಕಲಾ ರತ್ನ ಪ್ರಶಸ್ತಿ ಪ್ರದಾನ ಮಾಡಿ ಅವರು ಮಾತನಾಡಿದರು. 

ಸ್ಥಳೀಯ ಸರಕಾರಿ ಕಾಲೇಜಿನ ಪ್ರಾಚಾರ್ಯ ಎಸ್‌.ಆರ್‌. ಕಳ್ಳಿಗುದ್ದಿ ಮಾತನಾಡಿ, ಗ್ರಾಮೀಣ ಭಾಗದಲ್ಲಿ ಇಂತಹ ವೇದಿಕೆ ಅವಶ್ಯ. ಯುವ ಸಂಘಟಕರ ಕಾರ್ಯ ಶ್ಲಾಘನೀಯ ಎಂದರು. ಯುವ ಸಂಘಗಳ ಒಕ್ಕೂಟದ ಜಿಲ್ಲಾಧ್ಯಕ್ಷ ಸಿದ್ದಣ ದುರದುಂಡಿ ಮಾತನಾಡಿ, ಗ್ರಾಮೀಣ ಮಟ್ಟದ ಕಲೆಗಳು ರಾಜ್ಯ, ರಾಷ್ಟ್ರಮಟ್ಟದಲ್ಲಿ ಪ್ರೋತ್ಸಾಹ ದೊರೆಯಬೇಕಾಗಿದೆ ಎಂದು ಹೇಳಿದರು.

ಯಲ್ಲಪ್ಪ ಕದ್ದಿ, ಪರಯ್ಯ ಮಠಪತಿ, ಸಾಬವ್ವಾ ಹರಿಜನ, ಲಕ್ಕಪ್ಪ ನಡಗಡ್ಡಿ, ಲಕ್ಕಪ್ಪ ಬಿಳಿಕುರಿ, ಬಸಪ್ಪ ದುರದುಂಡಿ ಪರಮಾನಂದ ಕುಲಿಗೋಡ, ಸತ್ಯಪ್ಪ ಕದ್ದಿ, ಸಿದ್ದಪ್ಪ ದುರದುಂಡಿ, ಲಕ್ಷ್ಮಣ ಘಂಟಿ, ಬಸಪ್ಪ ಪಾಲಭಾಂವಿ, ಬಸವರಾಜ ಪಾಲಭಾಂವಿ ಅವರಿಗೆ ಜಾನಪದ ಕಲಾ ರತ್ನ ಪ್ರಶಸ್ರಿ ಪ್ರದಾನ ಮಾಡಿದರು.

ಯಲ್ಲಪ್ಪ ಪೂಜೇರಿ, ನಿಂಗಪ್ಪ ಸುಣದೋಳಿ, ಬಸವಣೆಪ್ಪ ಡಬ್ಬನ್ನವರ, ಲಕ್ಕಪ್ಪ ದುರದುಂಡಿ, ಬಾಳಗೌಡ ಪಾಟೀಲ, ಸಿದ್ದಪ್ಪ ಕುಲಿಗೋಡ, ಭೀಮಪ್ಪ ಸಪ್ತಸಾರ, ಲಕ್ಷ್ಮಣ ಛಬ್ಬಿ, ಮಂಜುನಾಥ ಕೋಹಳ್ಳಿ, ಕೆಂಪಣ್ಣ ಅಂಗಡಿ, ಶಂಕರ ಲೋಕನ್ನವರ ಉಪಸ್ಥಿತರಿದ್ದರು. ಎಂ.ಡಿ. ಸಂತಿ ನಿರೂಪಿಸಿದರು. ಸತ್ಯಪ್ಪ ಕದ್ದಿ ಸ್ವಾಗತಿಸಿದರು. ಮಹಾದೇವ ದುರದುಂಡಿ ವಂದಿಸಿದರು.