ಬೈಕ್‌ ಗೆ ಬಸ್ ಢಿಕ್ಕಿ. ಓರ್ವನ ಸ್ಥಿತಿ ಚಿಂತಾಜನಕ: ಇಬ್ಬರಿಗೆ ಗಾಯ

ಮುದ್ದೇಬಿಹಾಳ: ರಸ್ತೆ ಪಕ್ಕ ಹೋಗುತ್ತಿದ್ದ ಬೈಕ್ ಗೆ ಸಾರಿಗೆ ಸಂಸ್ಥೆಯ ಬಸ್ಸೊಂದು ಡಿಕ್ಕಿ ಹೊಡೆದ ಪರಿಣಾಮ ಓರ್ವನ ತಲೆಗೆ ಭಾರಿ ಪೆಟ್ಡಾಗಿ ಆತನ ಸ್ಥಿತಿ ಚಿಂತಾಜನಕವಾಗಿದ್ದು ಇನ್ನಿಬ್ಬರು ಗಂಭೀರ ಗಾಯಗೊಂಡ ಘಟನೆ ಶುಕ್ರವಾರ ಮದ್ಯಾಹ್ನ ಪಟ್ಟಣದ ಹೊರವಲಯದಲ್ಲಿರುವ ವಿಜಯಪುರ ಮುಖ್ಯ ರಸ್ತೆಯ ಬಿದರಕುಂದಿ ಕ್ರಾಸ್ ಬಳಿ ನಡೆದಿದೆ.

ಮೂರು ಜನ ಸ್ನೇಹಿತರು ಒಂದೇ ಬೈಕಿನಲ್ಲಿ ಹೊರಟಿದ್ದರು. ಬಿದರಕುಂದಿ ಕ್ರಾಸ್ ಬಳಿ ಅನಾಥಾಶ್ರಮದವರು ದೇಣಿಗೆ ಸಂಗ್ರಹಿಸಲು ಬೈಕ್ ನಿಲ್ಲಿಸುವಂತೆ ಕೈ ಮಾಡಿದಾಗ ಈ ದುರ್ಘಟನೆ ನಡೆದಿದೆ. ‌

ಇದನ್ನೂ ಓದಿ:ಎಪಿಎಂಸಿ ಜಮೀನು ಭೂಸ್ವಾಧೀನ ವಿವಾದ: ವಿಷ ಸೇವಿಸಿದ ಯುವಕ

ತಲೆಗೆ ತೀವ್ರ ಪೆಟ್ಟಾಗಿರುವ ಬಸರಕೋಡ ಗ್ರಾಮದ ಯುವಕ, ಕೈ ಮುರಿತಕ್ಕೊಳಗಾಗಿರುವ ರೂಢಗಿ ಗ್ರಾಮದ ಯುವಕ ಇಬ್ಬರನ್ನೂ ಹೆಚ್ಚಿನ ಚಿಕಿತ್ಸೆಗೆ ಜಿಲ್ಲಾಸ್ಪತ್ರೆಗೆ ಕಳಿಸಲಾಗಿದೆ. ಸಣ್ಣಪುಟ್ಟ ಗಾಯಗಳಾಗಿದ್ದ ಯುವಕನಿಗೆ ಆಸ್ಪತ್ರೆಯಲ್ಲೇ ಚಿಕಿತ್ಸೆ ನೀಡಲಾಗಿದೆ. ಘಟನೆ ಕುರಿತು ಮುದ್ದೇಬಿಹಾಳ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.