ಪುತ್ತೂರು: ಕರು ಮಾರಾಟ- ಖರೀದಿ ವಿಚಾರದಲ್ಲಿ ಹಲ್ಲೆ; ಇಬ್ಬರು ಆಸ್ಪತ್ರೆಗೆ ದಾಖಲು

ಪುತ್ತೂರು: ಕರು ಮಾರಾಟ, ಖರೀದಿ ವಿಚಾರವಾಗಿ ಜಗಳ ನಡೆದು, ಇಬ್ಬರು ಸರಕಾರಿ ಆಸ್ಪತ್ರೆಗೆ ದಾಖಲಾದ ಘಟನೆ ನಡೆದಿದೆ.

ಆರ್ಯಾಪು ಗ್ರಾಮ ಪಂಚಾಯತ್  ಸದಸ್ಯ ಅಶೋಕ್ ನಾಯ್ಕ್ ಮತ್ತು ಅಜಿತ್ ರೈ ಕುರಿಯ ಅವರ ಮೇಲೆ ರಿಜ್ವಾನ್ ಹಲ್ಲೆ ನಡೆಸಿ ಜಾತಿ ನಿಂದನೆ ಮಾಡಿದ್ದಾರೆ ಎಂಬ ಆರೋಪ ಕೇಳಿ ಬಂದಿದೆ.

ಅಜಿತ್ ಅವರಿಗೆ ರಿಜ್ವಾನ ಅವರು ಮೂರು ತಿಂಗಳ ಕರು ಎಂದು ಒಂದು ತಿಂಗಳ ಕರುವನ್ನು ನೀಡಿರುವುದಾಗಿ, ಇದರಿಂದ  ಅಜಿತ್  ಅವರು ಕರುವನ್ನು ಹಿಂತಿರುಗಿ ಕೊಂಡೊಯ್ಯುವಂತೆ ಹೇಳಿದ್ದು, ಈ ವಿಚಾರವಾಗಿ ಸೋಮವಾರ ಅಜಿತ್ ಹಾಗೂ ಗ್ರಾ.ಪಂ.ಸದಸ್ಯನಿಗೆ ಹಲ್ಲೆ ನಡೆಸಿರುವುದಾಗಿ ಗಾಯಾಳುಗಳು ದೂರಿದ್ದಾರೆ.