ಮಂಗಳೂರು : ದೇವಸ್ಥಾನದ ಮುಂಭಾಗ ನಿಲ್ಲಿಸಿದ್ದ ಕಾರಿನ ಗಾಜು ಹೊಡೆದು ಲೂಟಿ ಮಾಡಿದ ಕಳ್ಳರು

ಮಂಗಳೂರು : ಮಂಗಳೂರಿನ‌ ಉರ್ವದ ಶಿರಡಿ ಸಾಯಿ ಬಾಬ ಮಂದಿರ ದ್ವಾರದ ಮುಂಭಾಗ ಕಾರು ನಿಲ್ಲಿಸಿ ಮಂದಿರಕ್ಕೆ ತೆರಲಿದ್ದ ವೇಳೆ ಖತರ್ ನಾಕ್ ಕಳ್ಳರಿಬ್ಬರು ಬಂದು ಕಾರಿನ‌ ಕಿಟಕಿಯ ಗಾಜನ್ನು ಹೊಡೆದು ಕಾರಿನಲ್ಲಿದ್ದಅಮೂಲ್ಯ ವಸ್ತುಗಳನ್ನು ಹಾಗೂ ಒಂದು ಲಕ್ಷ ರೂಪಾಯಿ ಬೆಲೆ ಬಾಳುವ ಚಿನ್ನವನ್ನು ಕಳವು ಮಾಡಿದ ಘಟನೆ ಗುರುವಾರ ಮಧ್ಯಾಹ್ನ ನಡೆದಿದೆ.

ಅದೇ ಸಮಯದಲ್ಲಿ ಹತ್ತಿರದಲ್ಲಿದ್ದ ಇನ್ನೊಂದು ಕಾರಿನಲ್ಲಿದ್ದ ಬೆಲೆ ಬಾಳುವ ವಸ್ತುಗಳನ್ನು ಕದ್ದು ಖತರ್ ನಾಕ್ ಕಳ್ಳರು  ಪರಾರಿಯಾಗಿದ್ದಾರೆ‌. ಮಂದಿರಕ್ಕೆ ಹೋದ ದಂಪತಿಗಳು ನಾಳೆ ಬೆಳಗ್ಗೆ 6.40 ಕ್ಕೆ ದುಬಾಯಿಗೆ ತೆರೆಳಬೇಕಾಗಿತ್ತು. ಕಾರಿನಲ್ಲಿದ್ದ ಪಾಸ್ ಪೋರ್ಟ್, ಅಧಾರ್ ಕಾರ್ಡ್ ಎಟಿಎಮ್ ಕಾರ್ಡ್, ವಿಸಾ ಹಾಗೂ ವಿಮಾನದ ಟಿಕೆಟ್ ಸಹ ಕಳವು  ಮಾಡಿ ಪರಾರಿಯಾಗಿದ್ದಾರೆ.

ಕಳ್ಳರು ಕದ್ದು ಪರಾರಿಯಾಗುವ ದೃಶ್ಯ ಸಿ.ಸಿ ಟಿವಿಯಲ್ಲಿ ಸೆರೆಯಾಗಿದೆ. ಉರ್ವ ಪೋಲಿಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ. ಕಳ್ಳರ ಪತ್ತೆಗಾಗಿ ಪೋಲಿಸರು ಹುಡುಕಾಟ ಪ್ರಾರಂಭಿಸಿದ್ದಾರೆ.

ಇದನ್ನೂ ಓದಿ : ಭೂಪಿಂದರ್ ಸಿಂಗ್ ಹೂಡಾ ವರ್ತನೆಗೆ ಬಿಜೆಪಿ ಮಹಿಳಾ ಮೋರ್ಚಾ ಖಂಡನೆ