ಮಾಲೀಕರ ಎತ್ತನ್ನೇ ಕೊಂದು ಮಾಂಸ ಮಾಡಿದ ಅಸ್ಸಾಂ ಕಾರ್ಮಿಕರು: ಸಿದ್ದಾಪುರ ಠಾಣೆಯಲ್ಲಿ ದೂರು

ಮಡಿಕೇರಿ: ಲೈನ್ ಮನೆಯಲ್ಲಿ ವಾಸವಿದ್ದ ಅಸ್ಸಾಂ ಕಾರ್ಮಿಕರು ತೋಟದ ಮಾಲೀಕರ ಎತ್ತನ್ನೇ ಕೊಂದು ಮಾಂಸ ಮಾಡಿರುವ ಘಟನೆ ವಾಲ್ನೂರು ಗ್ರಾಮ ವ್ಯಾಪ್ತಿಯ ಅಮ್ಮಂಗಾಲದಲ್ಲಿ ನಡೆದಿದೆ.

ಎತ್ತು ನಾಪತ್ತೆಯಾಗಿದ್ದ ಹಿನ್ನೆಲೆ ಹುಡುಕಾಟ ನಡೆಸಿದಾಗ ತಮ್ಮ ಬಳಿ ಕೆಲಸಕ್ಕಿದ್ದ ಕಾರ್ಮಿಕರೇ ಅದನ್ನು ಕೊಂದು ಮಾಂಸ ಮಾಡಿರುವ ಬಗ್ಗೆ ಮಾಹಿತಿ ಲಭಿಸಿದೆ.

ತಕ್ಷಣ ಕಾರ್ಯ ಪ್ರವೃತ್ತರಾದ ಮಾಲೀಕರು ಹಾಗೂ ಸ್ಥಳೀಯರು ಸಿದ್ದಾಪುರ ಠಾಣೆಗೆ ದೂರು ಸಲ್ಲಿಸಿ ಗೋಹತ್ಯೆ ನಿಷೇಧ ಕಾಯ್ದೆಯಡಿ ಕ್ರಮ ಕೈಗೊಂಡು ತಪ್ಪಿತಸ್ಥರನ್ನು ಬಂಧಿಸುವಂತೆ ಒತ್ತಾಯಿಸಿದರು.

ಪ್ರಕರಣ ದಾಖಲಿಸಿಕೊಂಡಿರುವ ಪೊಲೀಸರು ತನಿಖೆ ಕೈಗೊಂಡಿದ್ದಾರೆ. ಲೈನ್ ಮನೆಯಲ್ಲಿ 13 ಅಸ್ಸಾಂ ಕಾರ್ಮಿಕರು ವಾಸವಾಗಿದ್ದರು.