ದೇಶದಲ್ಲಿ ಮಹಿಳೆಯರಿಗಿಂತ ಗೋವುಗಳೇ ಸುರಕ್ಷಿತ: ಶಿವಸೇನೆ

ಮುಂಬಯಿ : ಈ ದೇಶದಲ್ಲಿ ಮಹಿಳೆಯರಿಗಿಂತ ಗೋವುಗಳೇ ಸುರಕ್ಷಿತ ಎಂದು ಶಿವ ಸೇನೆಯ ಮುಖ್ಯಸ್ಥ ಉದ್ಧವ ಠಾಕ್ರೆ ಹೇಳಿದ್ದಾರೆ. ಆ ಮೂಲಕ ಅವರು ದೇಶದಲ್ಲಿ ಗೋ ರಕ್ಷಣೆ ಹೆಸರಲ್ಲಿ  ನಡೆಯುತ್ತಿರುವ ಗುಂಪು ಹಿಂಸೆಗಾಗಿ ಬಿಜೆಪಿ ಸರಕಾರವನ್ನು ಟೀಕಿಸಿದ್ದಾರೆ.

“ನಾವು ಸರಕಾರದ ಭಾಗವೇ ಆಗಿರುವುದು ನಿಜ; ಆದರೂ ತಪ್ಪು ನಡೆದಾಗ ನಾವು ಸರಕಾರವನ್ನು ಟೀಕಿಸಿಯೇ ತೀರುತ್ತೇವೆ; ನಾವು ಭಾರತೀಯ ಜನತೆಯ ಮಿತ್ರರೇ ಹೊರತು ಯಾವುದೇ ಪಕ್ಷದ ಮಿತ್ರರಲ್ಲ’ ಎಂದು ಉದ್ಧವ್‌ ಠಾಕರೆ ಹೇಳಿದರು. 

ಕೇಂದ್ರ ಮತ್ತು ಮಹಾರಾಷ್ಟ್ರ ಸರಕಾರದಲ್ಲಿ ಶಿವಸೇನೆಯು ಸರಕಾರದ ಮಿತ್ರ ಪಕ್ಷವಾಗಿದೆ.