ಅಹಮದಾಬಾದ್‌: ಅಟಲ್‌ ಸೇತುವೆ ಇಂದು ಲೋಕಾರ್ಪಣೆ

ಅಹಮದಾಬಾದ್‌: ಗುಜರಾತ್‌ನ ಅಹಮದಾಬಾದ್‌ನಲ್ಲಿ ಸಬರಮತಿ ನದಿಗೆ ಅಡ್ಡಲಾಗಿ ಕಟ್ಟಲಾಗಿರುವ “ಅಟಲ್‌ ಸೇತುವೆ’ಯನ್ನು ಪ್ರಧಾನಿ ನರೇಂದ್ರ ಮೋದಿ ಅವರು ಶನಿವಾರ ಲೋಕಾರ್ಪಣೆಗೊಳಿಸಲಿದ್ದಾರೆ.

ಈ ಸೇತುವೆಯನ್ನು ವಿಶೇಷವಾಗಿ ಗಾಳಿಪಟದ ಥೀಮ್‌ನೊಂದಿಗೆ ನಿರ್ಮಿಸಲಾಗಿದೆ. ಈ ಸೇತುವೆಯನ್ನು ಪಾದಚಾರಿಗಳ ಸಂಚಾರಕ್ಕಾಗಿಯೇ ನಿರ್ಮಿಸಲಾಗಿದೆ.

ಸೇತುವೆಯ ಮಧ್ಯ ಭಾಗದಲ್ಲಿ ಜನರಿಗೆ ಕುಳಿತುಕೊಂಡು ನದಿಯ ಸೌಂದರ್ಯವನ್ನು ಕಣ್ತುಂಬಿಕೊಳ್ಳುವುದಕ್ಕೂ ಅವಕಾಶ ಮಾಡಿಕೊಡಲಾಗಿದೆ.

300 ಮೀಟರ್‌ ಉದ್ದವಿರುವ ಸೇತುವೆಯು 10-14 ಮೀಟರ್‌ ಅಗಲವಿದೆ. ವಿಶೇಷ ಸೈಕಲಿಂಗ್‌ ಹಾದಿಯೂ ಇದರಲ್ಲಿದೆ. ಸೇತುವೆಯ ಬಳಿಯ ಕಲಾಕೃತಿ ಪ್ರದರ್ಶನವನ್ನೂ ಕಾಣಬಹುದು.