Yoga day- Watch; ಪ್ರಧಾನಿ ನರೇಂದ್ರ ಮೋದಿ “ತ್ರಿಕೋನಾಸನಾ” ಆ್ಯನಿಮೇಟೆಡ್ ವಿಡಿಯೋ

ನವದೆಹಲಿ:ಜೂನ್ 21ರಂದು ನಡೆಯಲಿರುವ ಅಂತಾರಾಷ್ಟ್ರೀಯ ಯೋಗ ದಿನಾಚರಣೆ ಹಿನ್ನೆಲೆಯಲ್ಲಿ ಜನರನ್ನು ಯೋಗದತ್ತ ಇನ್ನಷ್ಟು ಆಕರ್ಷಿಸುವ ನಿಟ್ಟಿನಲ್ಲಿ ಪ್ರಧಾನಿ ನರೇಂದ್ರ ಮೋದಿ ಬುಧವಾರ ಬೆಳಗ್ಗೆ ತಾವು ಯೋಗ ಮಾಡುತ್ತಿರುವ ಆ್ಯನಿಮೇಟೆಡ್ ವಿಡಿಯೋವನ್ನು ಟ್ವೀಟ್ ಮಾಡಿದ್ದಾರೆ.

ಪ್ರಧಾನಿ ಮೋದಿ ಅವರು ಟ್ವೀಟ್ ಮಾಡಿರುವ ಆ್ಯನಿಮೇಷನ್ ವಿಡಿಯೋದಲ್ಲಿ ಪ್ರಧಾನಿ ತ್ರಿಕೋನಾಸನಾ ಭಂಗಿಯಲ್ಲಿ ಯೋಗ ಮಾಡುತ್ತಿದ್ದು, ಜೂನ್ 21ರಂದು ನಾವು ಯೋಗ ಶಕ್ತಿ ಪ್ರದರ್ಶನ ಮಾಡಬೇಕು ಎಂದು ತಿಳಿಸಿದ್ದಾರೆ.

ನೀವು ನಿಮ್ಮ ಜೀವನದಲ್ಲಿ ಯೋಗ ಕೂಡಾ ಒಂದು ಪ್ರಮುಖ ಭಾಗವನ್ನಾಗಿ ಮಾಡಿಕೊಳ್ಳಬೇಕು ಎಂದು ಮನವಿ ಮಾಡಿಕೊಳ್ಳುತ್ತೇನೆ. ಅಷ್ಟೇ ಅಲ್ಲ ನೀವು ಬೇರೆಯವರಿಗೂ ಪ್ರೇರಣೆ ನೀಡಬೇಕು ಎಂದು ಹೇಳಿದ್ದಾರೆ. ಯೋಗದಿಂದಾಗುವ ಲಾಭ ಅತ್ಯದ್ಭುತವಾದದ್ದು. ಆ ನಿಟ್ಟಿನಲ್ಲಿ ಈ ತ್ರಿಕೋನಾಸನಾ ಯೋಗ ವಿಡಿಯೋವನ್ನು ವೀಕ್ಷಿಸಿ ಎಂದು ಪ್ರಧಾನಿ ಮೋದಿ ಟ್ವೀಟ್ ಮಾಡಿದ್ದರು.