ಮುಂದಿನ 48 ತಾಸುಗಳಲ್ಲಿ ಒಡಿಶಾದಲ್ಲಿ ಭಾರೀ ಮಳೆ ಮುನ್ಸೂಚನೆ

ಭುವನೇಶ್ವರ : ಮುಂದಿನ 48 ತಾಸುಗಳಲ್ಲಿ ಉತ್ತರ ಒಡಿಶಾದಲ್ಲಿ ಭಾರೀ ಮಳೆಯಾಗಲಿದೆ ಎಂದು ಭಾರತೀಯ ಹವಾಮಾನ ಇಲಾಖೆ ಮುನ್ಸೂಚನೆ ನೀಡಿದೆ.

“ಮುಂದಿನ 48 ತಾಸುಗಳಲ್ಲಿ ಉತ್ತರ ಒಡಿಶಾದ ಒಂದೆರಡು ಕಡೆಗಳಲ್ಲಿ  ಭಾರೀ ಮಳೆಯಾಗಲಿದೆ; ಜು.26ರ ತನಕವೂ ಉತ್ತರ ಪ್ರಾಂತ್ಯದಲ್ಲಿ ಜಡಿ ಮಳೆಯಾಗುವ ನಿರೀಕ್ಷೆ ಇದೆ’ ಎಂದು ಇಲಾಖೆ ತಿಳಿಸಿದೆ. 

ಜುಲೈ 15ರಿಂದ ಒಡಿಶಾದಲ್ಲಿ, ವಿಶೇಷವಾಗಿ ಕಟಕ್‌ ಮತ್ತು ಭುವನೇಶ್ವರದಲ್ಲಿ  ನಿರಂತರವಾಗಿ ಮಳೆಯಾಗುತ್ತಿದ್ದು ತಗ್ಗು ಪ್ರದೇಶಗಳೆಲ್ಲ ಜಲಾವೃತವಾಗಿವೆ. ಪರಿಣಾಮವಾಗಿ ಸರಕಾರ ಜಿಲ್ಲಾಡಳಿತಗಳಿಗೆ ಮುನ್ನೆಚ್ಚರಿಗೆ ನೀಡಿದೆ.