ನಾನು ಉಗ್ರನಲ್ಲ, ಪಟ್ಟಿಯಿಂದ ತೆಗೆಯಿರಿ: ವಿಶ್ವಸಂಸ್ಥೆಗೆ ಹಫೀಜ್‌

ಹೊಸದಿಲ್ಲಿ: ಮುಂಬಯಿ ದಾಳಿಯ ಮಾಸ್ಟರ್‌ ಮೈಂಡ್‌ ,ಜಮಾತ್‌ ಉದ್‌ ದಾವಾ ಮುಖಂಡ ಹಫೀಜ್‌ ಸಯೀದ್‌ ವಿಶ್ವಸಂಸ್ಥೆಗೆ ಮನವಿಯೊಂದನ್ನು ಸಲ್ಲಿಸಿದ್ದು,’ನಾನು ಉಗ್ರನಲ್ಲ, ಉಗ್ರರ ಪಟ್ಟಿಯಿಂದ ನನ್ನ ಹೆಸರು ಕೈ ಬಿಡಿ’ ಎಂದು ಕೇಳಿಕೊಂಡಿದ್ದಾನೆ..!

ಲಷ್ಕರ್‌  ಇ  ತೋಯ್ಬಾ ಸಹ ಸಂಸ್ಥಾಪಕನಾಗಿರುವ ಸಯೀದ್‌ ಗೃಹಬಂಧನದಲ್ಲಿರುವ ವೇಳೆಯಲ್ಲೇ  ಲಾಹೋರ್‌ ಮೂಲದ ಕಾನೂನು ಸಂಸ್ಥೆಯೊಂದರ ಮೂಲಕ ಮನವಿ ಸಲ್ಲಿಸಿದ್ದಾನೆ.

2008 ರಲ್ಲಿ ವಿಶ್ವಸಂಸ್ಥೆಯ ಭದ್ರತಾ ಸಮಿತಿ ನಿರ್ಣಯಗಳಲ್ಲಿ ಸಯೀದ್‌ನನ್ನು ಜಾಗತಿಕ ಉಗ್ರ ಪಟ್ಟಿಯಲ್ಲಿ ಸೇರಿಸಲಾಗಿತ್ತು. 26/11 ರ ಮುಂಬಯಿ ದಾಳಿಯಲ್ಲಿ ಆತನ ಪಾತ್ರ ಕಂಡು ಬಂದ ಹಿನ್ನಲೆಯಲ್ಲಿ ವಿಶ್ವಸಂಸ್ಥೆ ಈ ನಿರ್ಧಾರ ಕೈಗೊಂಡಿತ್ತು. 

ಕಳೆದ ವಾರವಷ್ಟೇ ಪಾಕ್‌ ಸರ್ಕಾರ ಸಯೀದ್‌ನನ್ನು 297 ದಿನಗಳ ಗೃಹ ಬಂಧನದಿಂದ ಮುಕ್ತಗೊಳಿಸಿತ್ತು. ಆ ವಿದ್ಯಮಾನ  ವಿಶ್ವಾದ್ಯಂತ ಸುದ್ದಿಯಾಗಿತ್ತು.