ಅಕ್ರಮ ಗೋಮಾಂಸ ವಶ: ವ್ಯಕ್ತಿ ಸೆರೆ

ಆನಂದಪುರ: ಸಮೀಪದ ಗೌತಮಪುರದಲ್ಲಿ ಅಕ್ರಮವಾಗಿ ಗೋಮಾಂಸ ಮಾರಾಟ ಮಾಡುತ್ತಿದ್ದ ವ್ಯಕ್ತಿಯನ್ನು ಗ್ರಾಮಸ್ಥರೇ ಹಿಡಿದು ಪೊಲೀಸರಿಗೆ ಒಪ್ಪಿಸಿದ ಘಟನೆ ನಡೆದಿದೆ.

ಶಿಕಾರಿಪುರದ ಮೂಲದ ಹಬೀಬ್‌ (35) ಎಂಬಾತ ಬೈಕ್‌ನಲ್ಲಿ 10 ಕೆಜಿಗೂ ಅಧಿಕ ಗೋಮಾಂಸವನ್ನು ತಂದು ಗೌತಮಪುರ ಭಾಗದಲ್ಲಿ ಮಾರಾಟ ಮಾಡುತ್ತಿದ್ದ ಎನ್ನಲಾಗಿದೆ. ವಿಷಯ ತಿಳಿದ ಸ್ಥಳೀಯ ಯುವಕರ ತಂಡವು ಬೈಕ್‌ ಸವಾರನನ್ನು ಪರಿಶೀಲಿಸಿದಾಗ ಬೈಕ್‌ನ ಬ್ಯಾಗಿನಲ್ಲಿ ಸುಮಾರು ಹತ್ತು ಕೆಜಿಗೂ ಅಧಿಕ ಗೋಮಾಂಸ ಕಂಡುಬಂದಿದೆ.

ಸ್ಥಳೀಯರು ತಕ್ಷಣವೇ ಸಾಗರ ಗ್ರಾಮಾಂತರ ಠಾಣೆಗೆ ವಿಷಯ ತಿಳಿಸಿದ್ದಾರೆ. ಸ್ಥಳಕ್ಕೆ ಆನಂದಪುರ ಠಾಣೆ ಪೊಲೀಸರು ಆಗಮಿಸಿ ವ್ಯಕ್ತಿಯನ್ನು ವಶಕ್ಕೆ ಪಡೆದರು. ಸಾಗರ ಗ್ರಾಮಾಂತರ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.