ಅಕ್ರಮ ಶಸ್ತ್ರಾಸ್ತ್ರ ಘಟಕಕ್ಕೆ ದಾಳಿ; 24 ಪಿಸ್ತೂಲು ವಶ, ಇಬ್ಬರ ಬಂಧನ

ಮುಜಫ‌ರನಗರ : ಇಲ್ಲಿನ ಜೊಲ್ಲ ಗ್ರಾಮದಲ್ಲಿ ಅಕ್ರಮ ಶಸ್ತ್ರಾಸ್ತ್ರ ತಯಾರಿಸುವ ಘಟಕವನ್ನು ಭೇದಿಸಿರುವ ಪೊಲೀಸರು ಇಬ್ಬರನ್ನು ಬಂಧಿಸಿದ್ದಾರೆ. 

ಹೊಲವೊಂದರಲ್ಲಿ ಹುಗಿದಿಡಲಾಗಿದ್ದ  ಉತ್ಪಾದನೆಯ ಹಂತದಲ್ಲಿದ್ದ 24 ಪಿಸ್ತೂಲುಗಳನ್ನು, ಶಸ್ತ್ರ ತಯಾರಿಯ ಸಲಕರಣೆ, ಉಪಕರಣಗಳನ್ನು  ಪೊಲೀಸರು ವಶಪಡಿಸಿಕೊಂಡಿದ್ದಾರೆ ಎಂದು ಎಸ್‌ಎಚ್‌ಓ ಚಮನ್‌ ಸಿಂಗ್‌ ಚಾವ್‌ಡಾ ಹೇಳಿದ್ದಾರೆ.

ನಿಶಾನಾ ಪೊಲೀಸ್‌ ಠಾಣೆಯ ತಂಡ ಈ ದಾಳಿ ನಡೆಸಿತ್ತು. ಬಂಧಿತರು ಶಸ್ತ್ರಾಸ್ತ್ರ ಕಳ್ಳಸಾಗಣೆದಾರರಾಗಿದ್ದು ನಾಡ ಪಿಸ್ತೂಲುಗಳನ್ನು ಪೂರೈಸುವವರಾಗಿದ್ದರು.