Zameer Ahmed Khan ನಂಬಿದರೆ ಕುಮಾರಣ್ಣನಂತೆ ಸಿದ್ದು ಹಾಳಾಗ್ತಾರೆ: ಯತ್ನಾಳ್

ವಿಜಯಪುರ : ಸಚಿವ ಜಮೀರ್ ಜೊತೆ ಫೈವ್‍ಸ್ಟಾರ್ ಮಾದರಿಯ ಐಷಾರಾಮಿ ವಿಮಾನದಲ್ಲಿ ಪ್ರಯಾಣ ಮಾಡುತ್ತಿರುವ ಮುಖ್ಯಮಂತ್ರಿ ಸಿದ್ಧರಾಮಯ್ಯ ಎಚ್ಚೆತ್ತುಕೊಳ್ಳಬೇಕು. ಇಲ್ಲವಾದಲ್ಲಿ ಕುಮಾರಸ್ವಾಮಿ ಅವರಂತೆ ಸಿದ್ಧರಾಮಯ್ಯ ಹಾಳಾಗುವುದು ಖಚಿತ ಎಂದು ಬಿಜೆಪಿ ಹಿರಿಯ ಶಾಸಕ ಬಸನಗೌಡ ಪಾಟೀಲ ಯತ್ನಾಳ ಕುಟುಕಿದ್ದಾರೆ.

ಶುಕ್ರವಾರ ನಗರದಲ್ಲಿ ಪತ್ರಕರ್ತರೊಂದಿಗೆ ಮಾತನಾಡಿದ ಅವರು, ಬಡವರ ಬಗ್ಗೆ ಏನೇನೋ ಕಥೆಗಳನ್ನು ಹೇಳುವ ಸಿದ್ಧರಾಮಯ್ಯ ಅವರು ಸಚಿವ ಜಮೀರ್ ಅಹ್ಮದ್ ಖಾನ್ ಅವರೊಂದಿಗೆ ಸೇರಿ ಹಾದಿ ಬಿಡುತ್ತಿದ್ದಾರೆ ಎಂದು ಟೀಕಿಸಿದರು.

ಈ ಹಿಂದೆ ಜಮೀರ್ ಅಹ್ಮದ್ ಖಾನ್ ಅವರು ಕುಮಾರಸ್ವಾಮಿ ಅವರೊಂದಿಗೆ ಸೇರಿ ಅವರನ್ನು ದಾರಿ ಬಿಡುವಂತೆ ಮಾಡಿದ್ದರು. ಇದೀಗ ಕುಮಾರಸ್ವಾಮಿ ದಾರಿಗೆ ಬಂದಿದ್ದಾರೆ. ಆದರೆ ಜಮೀರ್ ಜೊತೆ ಸೇರಿ ದಾರಿ ಬಿಟ್ಟಿರುವ ಸಿದ್ಧರಾಮಯ್ಯ ಅವರು ಮೆಕ್ಕಾ ಮದಿನಾಕ್ಕೆ ಹೊರಟಿದ್ದಾರೆ. ಜಮೀರ್ ಅಹ್ಮದ್ ಖಾನ್ ಮುಖ್ಯಮಂತ್ರಿ ಸಿದ್ಧರಾಮಯ್ಯ ಅವರನ್ನೂ ಮುಗಿಸುವುದು ಖಚಿತ ಎಂದರು.