Advertisement

ಆಧಾರ್‌ ಸಂಖ್ಯೆ ತಪ್ಪಾಗಿ ನೀಡಿದರೆ 10 ಸಾವಿರ ರೂ. ದಂಡ

01:30 AM Jul 15, 2019 | Team Udayavani |

ಹೊಸದಿಲ್ಲಿ: ಪ್ಯಾನ್‌ ಕಾರ್ಡ್‌ ಬದಲಾಗಿ ಆಧಾರ್‌ ಸಂಖ್ಯೆಯನ್ನು ನೀಡುವಾಗ, ಸಂಖ್ಯೆಯನ್ನೇನಾದರೂ ತಪ್ಪಾಗಿ ನೀಡಿದರೆ 10 ಸಾವಿರ ರೂ. ದಂಡ ವಿಧಿಸಲಾಗುತ್ತದೆ. ಕೆಲವೊಂದು ನಿಯಮಗಳಲ್ಲಿ ತಿದ್ದುಪಡಿಯಾದ ಬಳಿಕ ಸೆ.1ರಿಂದ ಈ ಹೊಸ ನಿಯಮ ಜಾರಿಗೆ ಬರುವ ಸಾಧ್ಯತೆ ಇದೆ.

Advertisement

ಕಾರು, ಮನೆಗಳ ಖರೀದಿ, ವಿದೇಶ ಪ್ರಯಾಣ, ಬಂಡವಾಳ ಹೂಡಿಕೆ ವೇಳೆ ಪ್ಯಾನ್‌ ಬದಲು ಆಧಾರ್‌ ಕಾರ್ಡ್‌ನ ಸಂಖ್ಯೆಯನ್ನು ಉಲ್ಲೇಖೀಸುವಾಗ ತಪ್ಪು ಮಾಹಿತಿ ನೀಡಿದಲ್ಲಿ ಪ್ರಸ್ತಾವಿತ ನಿಯಮ ಅನ್ವಯವಾಗಲಿದೆ.

ಬಜೆಟ್‌ನಲ್ಲಿ ರಿಟರ್ನ್ಸ್ ಸಲ್ಲಿಕೆ ವೇಳೆ ಪ್ಯಾನ್‌ ಬದಲು ಆಧಾರ್‌ ನೀಡುವ ಪ್ರಸ್ತಾವ ಮಾಡಲಾಗಿತ್ತು. ಜತೆಗೆ ಬ್ಯಾಂಕ್‌ಗಳಲ್ಲಿ 50 ಸಾವಿರ ರೂ. ವರೆಗಿನ ಮೊತ್ತ ವಿಥ್‌ಡ್ರಾ ಮಾಡಲೂ ಆಧಾರ್‌ ನೀಡುವ ಬಗ್ಗೆ ಆದೇಶ ಹೊರಡಿಸಲಾಗಿತ್ತು. ಹಾಲಿ ಇರುವ ನಿಯಮಗಳು ಸ್ಪಷ್ಟವಾಗಿಲ್ಲ ಮತ್ತು ದಂಡ ವಿಧಿಸುವ ವಿಚಾರ ಕೇವಲ ಎಸೆಸ್‌ಮೆಂಟ್‌ ಅಧಿಕಾರಿಯ ವಿವೇಚನೆಗೆ ಬಿಡಲಾಗಿದೆ.

Advertisement

Udayavani is now on Telegram. Click here to join our channel and stay updated with the latest news.

Next