ನ್ಯಾಯಾಲಯಗಳಲ್ಲಿ 50 ಪ್ರಕರಣ ಇತ್ಯರ್ಥವಾದಾಗ ಇನ್ನೊಂದು 100 ಪ್ರಕರಣ ಹುಟ್ಟುತ್ತೆ!

ನವದೆಹಲಿ: ದೇಶದ ನ್ಯಾಯಾಲಯಗಳಲ್ಲಿ ಬಾಕಿಯುಳಿದಿರುವ ಪ್ರಕರಣಗಳ ಸಂಖ್ಯೆ 5 ಕೋಟಿ ಸಮೀಪಿಸಿದೆ. ಇದಕ್ಕೆ ಕಾರಣವನ್ನು ಕೇಂದ್ರ ಕಾನೂನು ಸಚಿವ ಕಿರಣ್‌ ರಿಜಿಜು ಸ್ಪಷ್ಟಪಡಿಸಿದ್ದಾರೆ.

ಒಬ್ಬ ನ್ಯಾಯಾಧೀಶ 50 ಪ್ರಕರಣಗಳನ್ನು ಬಗೆಹರಿಸುತ್ತಿದ್ದಂತೆ, ಇನ್ನೊಂದು 100 ಪ್ರಕರಣಗಳು ದಾಖಲಾಗಿರುತ್ತವೆ. ಇದಕ್ಕೆ ಕಾರಣ ಜನರಲ್ಲುಂಟಾಗಿರುವ ಕಾನೂನು ಜಾಗೃತಿ ಎನ್ನುವುದು ಸಚಿವರ ನುಡಿ.

ಸದ್ಯ 4.83 ಕೋಟಿ ಪ್ರಕರಣಗಳು ಇತ್ಯರ್ಥಕ್ಕೆ ಬಾಕಿಯಿವೆ. ಕೆಳಹಂತದ ನ್ಯಾಯಾಲಯಗಳಲ್ಲಿ 4 ಕೋಟಿಗೂ ಅಧಿಕ ಪ್ರಕರಣಗಳು ಕಾದುಕುಳಿತಿವೆ.

ಸರ್ವೋಚ್ಚ ನ್ಯಾಯಾಲಯದ ಮೇಲೆ 72,000 ಪ್ರಕರಣಗಳನ್ನು ಬಗೆಹರಿಸಬೇಕಾದ ಹೊರೆಯಿದೆ ಎಂದು ರಿಜಿಜು ಹೇಳಿದ್ದಾರೆ.