ಪತ್ರಕರ್ತನ ವಿರುದ್ಧ ಕೇಸ್‌: ಪ್ರಾಧಿಕಾರದ ಸಮರ್ಥನೆ

ಹೊಸದಿಲ್ಲಿ: ಆಧಾರ್‌ ದತ್ತಾಂಶ ಸೋರಿಕೆಯ ಬಗ್ಗೆ ವರದಿ ಮಾಡಿದ ದಿ ಟ್ರಿಬ್ಯೂನ್‌ ಪತ್ರಿಕೆಯ ಪತ್ರಕರ್ತರ ಮೇಲೆ ಎಫ್ಐಆರ್‌ ದಾಖಲಿಸಿದ ಬಗ್ಗೆ ಸಾಮಾಜಿಕ ಜಾಲತಾಣಗಳಲ್ಲಿ ವ್ಯಕ್ತವಾದ ಆಕ್ರೋಶಕ್ಕೆ ಪ್ರತಿಕ್ರಿಯಿಸಿರುವ ಆಧಾರ್‌ ಪ್ರಾಧಿಕಾರ (ಯುಐಡಿಎಐ), ವಾಕ್‌ ಸ್ವಾತಂತ್ರ್ಯವನ್ನು ಹತ್ತಿಕ್ಕುವ ಕ್ರಮ ಎಂದು ಈ ನಡೆಯನ್ನು ವಿಶ್ಲೇಷಿಸುವುದು ತಪ್ಪು ಎಂದಿದೆ. ದತ್ತಾಂಶವನ್ನು ಅಕ್ರಮವಾಗಿ ಪಡೆದಿರುವುದರ ವಿರುದ್ಧ ಪ್ರಕರಣ ದಾಖಲಿಸಲಾಗಿದೆ. ಇದರಿಂದಾಗಿ ಪೊಲೀಸರು ಪ್ರಕರಣದ ಸಮಗ್ರ ತನಿಖೆ ನಡೆಸಬಹುದಾಗಿದೆ ಎಂದು ಸ್ಪಷ್ಟನೆ ನೀಡಿದೆ.