Advertisement
2019-20ನೇ ಋತುವಿನಿಂದ ಮೊದಲ್ಗೊಂಡ ಸರಣಿ ಫ‌ಲಿತಾಂಶಗಳ ಮಾನದಂಡದಂತೆ ಐಸಿಸಿ ರ್‍ಯಾಂಕಿಂಗ್‌ ಅಂಕಗಳನ್ನು ನೀಡಲಾಯಿತು. ಮೇ 2020ಕ್ಕೂ ಮೊದಲು ನಡೆದ ಸರಣಿ ಫ‌ಲಿತಾಂಶಕ್ಕೆ ಶೇ. 50ರಷ್ಟು ರೇಟಿಂಗ್‌ ಅಂಕ ನೀಡಿದರೆ, ಅನಂತರದ ಸರಣಿ ಫ‌ಲಿತಾಂಶಗಳಿಗೆ ಶೇ. 100ರಷ್ಟು ರೇಟಿಂಗ್‌ ಅಂಕವನ್ನು ನೀಡಲಾಗಿದೆ.
ಇದರಂತೆ ಭಾರತದ ಅಂಕ 119ರಿಂದ 121ಕ್ಕೆ ಏರಿತು. ಆಸ್ಟ್ರೇಲಿಯದ ಅಂಕ 122ರಿಂದ 116ಕ್ಕೆ ಕುಸಿಯಿತು. ಭಾರತ 2021ರ ಡಿಸೆಂಬರ್‌ನಲ್ಲಿ ಕೊನೆಯ ಸಲ ನಂ.1 ಟೆಸ್ಟ್‌ ತಂಡದ ಗೌರವ ಸಂಪಾದಿಸಿತ್ತು. ಮೊದಲೆರಡು ಸ್ಥಾನ ಅದಲುಬದಲಾದುದನ್ನು ಹೊರತುಪಡಿಸಿದರೆ ಉಳಿದ ಯಾವುದೇ ತಂಡಗಳ ಸ್ಥಾನಪಲ್ಲಟವಾಗಿಲ್ಲ.