Advertisement
ವಿರಾಟ್ ಕೊಹ್ಲಿ 920 ಹಾಗೂ ವಿಲಿಯಮ್ಸನ್‌ 913 ಅಂಕ ಹೊಂದಿದ್ದಾರೆ. ನ್ಯೂಜಿಲ್ಯಾಂಡಿನ ಬ್ಯಾಟ್ಸ್‌ಮನ್‌ ಓರ್ವ ಟೆಸ್ಟ್‌ ರ್‍ಯಾಂಕಿಂಗ್‌ನಲ್ಲಿ 900 ಅಂಕ ಸಂಪಾದಿಸಿದ ಮೊದಲ ದೃಷ್ಟಾಂತ ಇದಾಗಿದೆ. ಇದಕ್ಕೂ ಮುನ್ನ ಬೌಲಿಂಗ್‌ ರ್‍ಯಾಂಕಿಂಗ್‌ನಲ್ಲಿ ಕಿವೀಸ್‌ನ ರಿಚರ್ಡ್‌ ಹ್ಯಾಡ್ಲಿ 900 ಪ್ಲಸ್‌ ಅಂಕ ಗಳಿಸಿದ ಸಾಧನೆಗೈದಿದ್ದರು (909). ವಿರಾಟ್ ಕೊಹ್ಲಿ ಅಡಿಲೇಡ್‌ನ‌ಲ್ಲಿ ಗಳಿಸಿದ್ದು 37 ರನ್‌ ಮಾತ್ರ. ಇದರಿಂದ ಅವರು 15 ಅಂಕಗಳನ್ನು ಕಳೆದುಕೊಳ್ಳಬೇಕಾಯಿತು. ಈಗ ಕೊಹ್ಲಿ-ವಿಲಿಯಮ್ಸನ್‌ ನಡುವೆ ಕೇವಲ 7 ಅಂಕಗಳ ಅಂತರವಿದೆ.
ಅಡಿಲೇಡ್‌ನ‌ಲ್ಲಿ ಒಟ್ಟು 194 ರನ್‌ ಬಾರಿಸಿದ ಚೇತೇಶ್ವರ್‌ ಪೂಜಾರ ಆರರಿಂದ ಮೇಲೇರಿ 4ನೇ ಸ್ಥಾನಕ್ಕೆ ಬಂದಿದ್ದಾರೆ. ಅಜಿಂಕ್ಯ ರಹಾನೆ 2 ಸ್ಥಾನಗಳ ಪ್ರಗತಿ ಸಾಧಿಸಿದ್ದು, 17ನೇ ರ್‍ಯಾಂಕಿಂಗ್‌ ಹೊಂದಿದ್ದಾರೆ. ರಿಷಬ್‌ ಪಂತ್‌ 7 ಸ್ಥಾನ ಮೇಲೇರಿ 59ನೇ ಸ್ಥಾನ ತಲುಪಿದ್ದಾರೆ. ಕೆ.ಎಲ್. ರಾಹುಲ್ (26), ಮುರಳಿ ವಿಜಯ್‌ (45), ರೋಹಿತ್ ಶರ್ಮ (53) ಅವರ ರ್‍ಯಾಂಕಿಂಗ್‌ನಲ್ಲಿ ಕುಸಿತ ಸಂಭವಿಸಿದೆ. ಆಸ್ಟ್ರೇಲಿಯದ ಉಸ್ಮಾನ್‌ ಖ್ವಾಜಾ (13), ಆರನ್‌ ಫಿಂಚ್‌ (89), ಶಾನ್‌ ಮಾರ್ಷ್‌ (38), ಟಿಮ್‌ ಪೇನ್‌ (55), ಟ್ರ್ಯಾವಿಸ್‌ ಹೆಡ್‌ (17) ಬ್ಯಾಟಿಂಗ್‌ ರ್‍ಯಾಂಕಿಂಗ್‌ನಲ್ಲಿ ಕೆಲವು ಸ್ಥಾನಗಳನ್ನು ಕಳೆದುಕೊಂಡಿದ್ದಾರೆ. ನ್ಯೂಜಿಲ್ಯಾಂಡಿನ ಹೆನ್ರಿ ನಿಕೋಲ್ಸ್‌ ಪ್ರಗತಿ ಸಾಧಿಸಿದ್ದಾರೆ.
Related Articles
ಬೌಲಿಂಗ್‌ ರ್‍ಯಾಂಕಿಂಗ್‌ನ ಟಾಪ್‌-10 ಯಾದಿಯಲ್ಲಿ ವಿಶೇಷ ಬದಲಾವಣೆ ಸಂಭವಿಸಿಲ್ಲ. ಅಡಿಲೇಡ್‌ನ‌ಲ್ಲಿ 6 ವಿಕೆಟ್‌ ಕಿತ್ತ ಜಸ್‌ಪ್ರೀತ್‌ ಬುಮ್ರಾ ಜೀವನಶ್ರೇಷ್ಠ 33ನೇ ರ್‍ಯಾಂಕಿಂಗ್‌ ಗಳಿಸಿದ್ದಾರೆ. ಕಾಗಿಸೊ ರಬಾಡ, ಜೇಮ್ಸ್‌ ಆ್ಯಂಡರ್ಸನ್‌ ಮತ್ತು ವೆರ್ನನ್‌ ಫಿಲಾಂಡರ್‌ ಮೊದಲ 3 ಸ್ಥಾನದಲ್ಲಿದ್ದಾರೆ. ತಂಡ ರ್‍ಯಾಂಕಿಂಗ್‌ನಲ್ಲಿ ಭಾರತ ಅಗ್ರಸ್ಥಾನದಲ್ಲಿದ್ದು (116), ಪರಾಜಿತ ಆಸ್ಟ್ರೇಲಿಯ 5ರಲ್ಲಿದೆ (102).
Advertisement