Advertisement

ಅಂದು ವಿಶ್ವಕಪ್ ಹೀರೋ, ಇಂದು ರಿಯಲ್ ಹೀರೋ: ಜೋಗಿಂದರ್ ಶರ್ಮಾರನ್ನು ಹೊಗಳಿದ ಐಸಿಸಿ

09:13 AM Mar 30, 2020 | keerthan |

ಚಂಡೀಗಢ: 2007ರಲ್ಲಿ ಮಹೇಂದ್ರ ಸಿಂಗ್ ಧೋನಿ ನೇತೃತ್ವದಲ್ಲಿ ಭಾರತ ಚೊಚ್ಚಲ ಟಿ20 ವಿಶ್ವಕಪ್ ಗೆಲ್ಲಲು ಕಾರಣವಾಗಿದ್ದು ಆಲ್ ರೌಂಡರ್ ಜೋಗಿಂದರ್ ಶರ್ಮಾ. ಈ ವಿಶ್ವಕಪ್ ನಂತರ ಕ್ರಿಕೆಟ್ ನಿಂದ ದೂರವಾಗಿದ್ದ ಜೋಗಿಂದರ್ ಶರ್ಮಾರನ್ನು ಈಗ ಐಸಿಸಿ ( ಅಂತಾರಾಷ್ಟ್ರೀಯ ಕ್ರಿಕೆಟ್ ಸಮಿತಿ) ಹೊಗಳಿ ಟ್ವೀಟ್ ಮಾಡಿದೆ. ಕಾರಣ ಕೋವಿಡ್-19.

Advertisement

ಹೌದು. ಸದ್ಯ ಕ್ರಿಕೆಟ್ ನಿಂದ ದೂರವಾಗಿರುವ ಜೋಗಿಂದರ್ ಶರ್ಮಾ ಹರ್ಯಾಣದಲ್ಲಿ ಪೊಲೀಸ್ ಅಧಿಕಾರಿಯಾಗಿದ್ದಾರೆ. ಉಪ ವರಿಷ್ಠಾಧಿಕಾರಿಯಾಗಿರುವ ಶರ್ಮಾ ಸದ್ಯ ಕೋವಿಡ್-19 ಲಾಕ್ ಡೌನ್ ನಲ್ಲಿ ಕೆಲಸ ನಿರ್ವಹಿಸುತ್ತಿದ್ದಾರೆ.

ಜೋಗಿಂದರ್ ಶರ್ಮಾರ ಈ ಫೋಟೊವನ್ನು ತನ್ನ ಟ್ವೀಟರ್ ನಲ್ಲಿ ಅಪ್ಲೋಡ್ ಮಾಡಿರುವ ಐಸಿಸಿ, 2007ರ ವಿಶ್ವಕಪ್ ಹೀರೋ ಈಗ ರಿಯಲ್ ವಿಶ್ವದ ಹೀರೋ. ಈ ಜಾಗತಿಕ ಆರೋಗ್ಯ ಬಿಕ್ಕಟ್ಟಿನ ಸಮಯದಲ್ಲಿ ಭಾರತದ ಪೊಲೀಸ್ ಜೋಗಿಂದರ್ ಶರ್ಮಾ ಸೇವೆ ಮಾಡುತ್ತಿದ್ಧಾರೆ ಎಂದು ಬರೆದುಕೊಂಡಿದೆ.

2007ರ ವಿಶ್ವಕಪ್ ಫೈನಲ್ ನಲ್ಲಿ ನಿರ್ಣಾಯಕ  ಅಂತಿಮ ಓವರ್ ಬಾಲ್ ಹಾಕಿದ್ದ ಶರ್ಮಾ ಮಿಸ್ಭಾ ಉಲ್ ಹಕ್ ವಿಕೆಟ್ ಪಡೆದು ಭಾರತ ಕಪ್ ಗೆಲ್ಲಲು ಕಾರಣವಾಗಿದ್ದರು.

Advertisement

ಪ್ರೊಪೋಸಲ್‏ಗೆ ನಿರೀಕ್ಷಿಸುತ್ತಿದ್ದೀರಾ? ಕನ್ನಡ ಮ್ಯಾಟ್ರಿಮೋನಿಯಲ್ಲಿ - ಉಚಿತ ನೋಂದಣಿ !

Advertisement

Udayavani is now on Telegram. Click here to join our channel and stay updated with the latest news.

Next