ಕೆನಡಾ ಟಿ20 ಕ್ರಿಕೆಟ್‌ಗೆ ಐಸಿಸಿ ಅನುಮೋದನೆ

ಹೊಸದಿಲ್ಲಿ: ಇಂಡಿಯನ್‌ ಪ್ರೀಮಿಯರ್‌ ಲೀಗ್‌ ಟಿ20 ಕ್ರಿಕೆಟ್‌ ಮಾದರಿಯಲ್ಲಿ ಕೆನಡಾದಲ್ಲಿ ನಡೆಸಲಿರುವ ಜಾಗತಿಕ ಟಿ20 ಕ್ರಿಕೆಟ್‌ಗೆ ಐಸಿಸಿ ಅನುಮೋದನೆ ನೀಡಿದೆ. ಹೊಸದಿಯಲ್ಲಿ ಗುರುವಾರ ನಡೆದ ಕಾರ್ಯಕ್ರಮದಲ್ಲಿ ಈ ವಿಷಯವನ್ನು ಕೆನಡಾ ಪ್ರಧಾನಿ ಜಸ್ಟಿನ್‌ ಟ್ರಾಡ್ನೂ ತಿಳಿಸಿದರು. ಜುಲೈನಲ್ಲಿ ಕೂಟ ನಡೆಯಲಿದೆ.

ಟೊರೊಂಟೊದಲ್ಲಿನ 3 ಕ್ರೀಡಾಂಗಣದಲ್ಲಿ ಪಂದ್ಯಗಳು ನಡೆಯಲಿವೆ. ಉತ್ತರ ಅಮೆರಿಕದಲ್ಲಿ ಇದೇ ಮೊದಲ ಬಾರಿಗೆ ಟಿ20 ಐಸಿಸಿ ಸಹಭಾಗಿತ್ವ ಹೊಂದಿರುವ ಕ್ರಿಕೆಟ್‌ ಕೂಟಕ್ಕೆ ಕೆನಡಾ ಆತಿಥ್ಯ ವಹಿಸುತ್ತಿದೆ ಎನ್ನುವುದು ವಿಶೇಷ.