ಕ್ರಿಕೆಟ್‌ ಕುಟುಂಬಗಳಿಗೆ ಐಸಿಎ ನೆರವು

ಹೊಸದಿಲ್ಲಿ: ಕೋವಿಡ್‌ದಿಂದಾಗಿ ಆರ್ಥಿಕ ಸಂಕಟದಲ್ಲಿರುವ ದೇಶದ 57 ಅಶಕ್ತ ಕ್ರಿಕೆಟಿಗರಿಗೆ ಹಾಗೂ ಅವರ ಕುಟುಂಬಕ್ಕೆ ಇಂಡಿಯನ್‌ ಕ್ರಿಕೆಟ್‌ ಅಸೋಸಿಯೇಶನ್‌ (ಐಸಿಎ) ನೆರವು ನೀಡಿದೆ.

ಒಟ್ಟು 78 ಲಕ್ಷ ರೂ. ನಿಧಿ ಸಂಗ್ರಹಿಸಿರುವ ಐಸಿಎ, ಇದನ್ನು ಸಂಬಂಧಪಟ್ಟ ಕ್ರಿಕೆಟಿಗರಿಗೆ ಹಂಚಿದೆ ಎಂಬುದಾಗಿ ಅಧ್ಯಕ್ಷ, ಅಶೋಕ್‌ ಮಲ್ಹೋತ್ರಾ ಹೇಳಿದರು.

“ಮೊದಲು 20ರಿಂದ 25 ಕ್ರಿಕೆಟಿಗರ ನೆರವಿಗೆ ಮುಂದಾಗುವುದು ನಮ್ಮ ಯೋಜನೆಯಾಗಿತ್ತು. ಆದರೆ ದಾನಿ ಗಳಿಂದ ದೊಡ್ಡ ಮೊತ್ತ ಸಂಗ್ರಹ ವಾದ್ದರಿಂದ ಇದನ್ನು 57 ಕ್ರಿಕೆಟಿಗರಿಗೆ ಹಂಚಲು ನಿರ್ಧರಿಸಲಾಯಿತು’ ಎಂದು ಮಲ್ಹೋತ್ರಾ ಹೇಳಿದರು.