Jaipur: ಸರಪಂಚ್‌ ಮಹಿಳೆಯ ಇಂಗ್ಲೀಷ್‌ ಭಾಷಣಕ್ಕೆ ಐಐಎಸ್‌ ಅಧಿಕಾರಿ ಫಿದಾ

ಜೈಪುರ: ಇಂಗ್ಲೀಷ್‌ ಭಾಷೆ ಎಲ್ಲರ ಪಾಲಿಗೂ ಬೆಲ್ಲದಂತಲ್ಲ, ಕೆಲವರ ಪಾಲಿಗೆ ಕಬ್ಬಿಣದ ಕಡಲೆ. ಅಧಿಕಾರಿಗಳು, ಪ್ರಭಾವಿ ರಾಜಕಾರಣಿಗಳೇ ಇಂಗ್ಲಿಷ್‌ ಮಾತನಾಡಲು ಹಿಂದೇಟು ಹಾಕುತ್ತಿರುವಾಗ ರಾಜಸ್ಥಾನದ ಬರ್ಮಾರ್‌ನಲ್ಲಿ ಸರಪಂಚ್‌ ಮಹಿಳೆಯೊಬ್ಬರ ಇಂಗ್ಲೀಷ್‌ ಸ್ವಾಗತ ಭಾಷಣ ಎಲ್ಲರೂ ಹುಬ್ಬೇರಿಸುವಂತೆ ಮಾಡಿದೆ.

ಮಹಿಳೆಯ ನಿರರ್ಗಳ ಇಂಗ್ಲೀಷ್‌ ಭಾಷಣಕ್ಕೆ ಖುದ್ದು ಐಎಎಸ್‌ ಅಧಿಕಾರಿ ಟೀನಾ ಡಾಬಿ ಅವರೇ ಅಚ್ಚರಿಗೊಳಗಾಗಿದ್ದು, ಈ ವಿಡಿಯೋ ಜಾಲತಾಣಗಳಲ್ಲಿ ಭಾರೀ ವೈರಲ್‌ ಕೂಡ ಆಗಿದೆ.

ಸರಪಂಚ್‌ ಸೋನು ಕನ್ವರ್‌ ಅವರು ರಾಜಸ್ಥಾನಿ ಸಾಂಪ್ರದಾಯಿಕ ಉಡುಗೆಯಲ್ಲಿ ವೇದಿಕೆ ಮೇಲೆ ನಿಂತು ಟೀನಾ ಅವರನ್ನು ಇಂಗ್ಲೀಷ್‌ನಲ್ಲೇ ಸ್ವಾಗತಿಸುತ್ತಿದ್ದಂತೆ, ಸಭಿಕರು ಕರತಾಡನದ ಮೂಲಕ ಹರ್ಷ ವ್ಯಕ್ತಪಡಿಸಿದ್ದನ್ನು ವಿಡಿಯೋದಲ್ಲಿ ನೋಡಬಹುದು.