ಇಯಾನ್‌ ಸ್ಮಿತ್‌ಗೆ ಬರ್ಟ್‌ ಸಟ್‌ಕ್ಲಿಫ್‌ ಪ್ರಶಸ್ತಿ ಗೌರವ

ವೆಲ್ಲಿಂಗ್ಟನ್‌: ಅಮೋಘ ಕ್ರಿಕೆಟ್‌ ಸೇವೆಗಾಗಿ ನ್ಯೂಜಿಲ್ಯಾಂಡಿನ ಮಾಜಿ ವಿಕೆಟ್‌ ಕೀಪರ್‌-ಬ್ಯಾಟ್ಸ್‌ಮನ್‌ ಇಯಾನ್‌ ಸ್ಮಿತ್‌ ಅವರಿಗೆ ಪ್ರತಿಷ್ಠಿತ “ಬರ್ಟ್‌ ಸಟ್‌ಕ್ಲಿಫ್‌ ಪ್ರಶಸ್ತಿ’ ನೀಡಿ ಗೌರವಿಸಲಾಗಿದೆ.

1980ರಲ್ಲಿ ಆಸ್ಟ್ರೇಲಿಯ ವಿರುದ್ಧ ಬ್ರಿಸ್ಬೇನ್‌ನಲ್ಲಿ ಟೆಸ್ಟ್‌ ಕ್ಯಾಪ್‌ ಧರಿಸಿದ ಇಯಾನ್‌ ಸ್ಮಿತ್‌, ಒಟ್ಟು 63 ಟೆಸ್ಟ್‌ ಪಂದ್ಯಗಳನ್ನಾಡಿದ್ದಾರೆ. 1,815 ರನ್‌, 168 ಕ್ಯಾಚ್‌ ಹಾಗೂ 8 ಸ್ಟಂಪಿಂಗ್‌ ಮಾಡಿದ್ದಾರೆ. ಪ್ರವಾಸಿ ಭಾರತದೆದುರಿನ ಆಕ್ಲೆಂಡ್‌ ಪಂದ್ಯದಲ್ಲಿ 173 ರನ್‌ ಬಾರಿಸಿದ್ದು ಸ್ಮಿತ್‌ ಅವರ ಅಮೋಘ ಸಾಧನೆಯಾಗಿದೆ.

1992ರ ತವರಿನ ಏಕದಿನ ವಿಶ್ವಕಪ್‌ ವೇಳೆಯೂ ಸ್ಮಿತ್‌ ಅತ್ಯುತ್ತಮ ಪ್ರದರ್ಶನ ನೀಡಿದ್ದರು. ಒಟ್ಟು 98 ಏಕದಿನ ಪಂದ್ಯಗಳಿಂದ 1,055 ರನ್‌ ಜತೆಗೆ 81 ಕ್ಯಾಚ್‌ ಮತ್ತು 5 ಸ್ಟಂಪಿಂಗ್‌ ಮಾಡಿದ್ದಾರೆ.