Lok Sabha Election: ಚುನಾವಣೆಗೆ 1,750 ಬಾರಿ ವಾಯುಪಡೆ ವಿಮಾನಗಳ ಹಾರಾಟ!

ನವದೆಹಲಿ: ಲೋಕಸಭೆ ಚುನಾವಣೆ ಯಶಸ್ವಿಯಾಗಿ ನಡೆಯುವಲ್ಲಿ ಭಾರತೀಯ ವಾಯುಸೇನೆ ಕೂಡ ಮಹತ್ತರ ಪಾತ್ರವಹಿಸಿದೆ. ಚುನಾವಣೆ ಸಿಬ್ಬಂದಿ ಹಾಗೂ ಇವಿಎಂ ಯಂತ್ರಗಳನ್ನು ದೇಶದ ಮೂಲೆ ಮೂಲೆಗೆ ರವಾನಿಸುವ ಮೂಲಕ ಚುನಾವಣಾ ಆಯೋಗಕ್ಕೆ ವಾಯುಸೇನೆ ಸಹಾಯ ಹಸ್ತ ಚಾಚಿದೆ.

ಚುನಾವಣೆ ಕಾರ್ಯಕ್ಕಾಗಿ ಬರೋಬ್ಬರಿ 1,750 ಬಾರಿ ಐಎಎಫ್ ವಿಮಾನಗಳು ಒಂದು ಸಾವಿರಕ್ಕೂ ಅಧಿಕ ಗಂಟೆಗಳ ಹಾರಾಟ ನಡೆಸಿವೆ. ಎಂಐ 17, ಚೇತಕ್‌, ಎಚ್‌ಎಎಲ್‌ ಧ್ರುವ್‌ ವಿಮಾನಗಳು ಚುನಾವಣೆ ಕಾರ್ಯದಲ್ಲಿ ತೊಡಗಿಕೊಂಡಿದ್ದವು. ಭದ್ರತಾ ಕಾರಣದಿಂದ ರಸ್ತೆ ಮೂಲಕ ಸಂಚರಿಸಲು ಸಾಧ್ಯವಾಗದ ಪ್ರದೇಶಗಳಲ್ಲಿ ಚುನಾವಣೆ ಸಿಬ್ಬಂದಿಯನ್ನು ವಾಯು ಮಾರ್ಗದಿಂದ ಕರೆದೊಯ್ಯಲಾಗಿದೆ ಎಂದು ವಾಯುಪಡೆ ಅಧಿಕಾರಿಗಳು ತಿಳಿಸಿದ್ದಾರೆ.

ಇದನ್ನೂ ಓದಿ: Chamarajanagar: ಚುಡಾ ಅಧ್ಯಕ್ಷರಾಗಿ ಮಹಮ್ಮದ್ ಅಸ್ಗರ್ ಮುನ್ನಾ ನೇಮಕ