ಅನಿಲ್‌ಕಪೂರ್‌ ಚಿತ್ರದಲ್ಲಿ ವಾಯುಪಡೆಗೆ ಅಗೌರವ?

ಮುಂಬಯಿ: ಇತ್ತೀಚೆಗಷ್ಟೇ ಗುಂಜನ್‌ ಸಕ್ಸೇನಾ ಸಿನೆಮಾ ವಿರುದ್ಧ ಕೋರ್ಟ್‌ ಮೆಟ್ಟಿಲೇರಿದ್ದ ಭಾರತೀಯ ವಾಯುಪಡೆ, ಈಗ ಅನಿಲ್‌ಕಪೂರ್‌ ಅನುರಾಗ್‌ ಕಶ್ಯಪ್‌ ತಾರಾಗಣದ “ಎಕೆ ವರ್ಸಸ್‌ ಎಕೆ’ ಚಿತ್ರದ ವಿರುದ್ಧ ಅಸಮಾಧಾನ ವ್ಯಕ್ತಪಡಿಸಿದೆ. ನೆಟ್‌ಫ್ಲಿಕ್ಸ್‌ ನಿರ್ಮಾಣದ ಈ ಚಿತ್ರದ ಟ್ರೇಲರ್‌ ಬಿಡುಗಡೆಯಾಗಿದ್ದು, ಅದರಲ್ಲಿ ಅನಿಲ್‌ ಕಪೂರ್‌ ಭಾರತೀಯ ವಾಯುಪಡೆಯ ಯೂನಿಫಾರ್ಮ್ಗೆ ಅವಮಾನ ಮಾಡಿದ್ದಾರೆ ಎನ್ನುವುದು ವಿವಾದಕ್ಕೆ ಕಾರಣ.

ಭಾರತೀಯ ವಾಯುಪಡೆಯ ಯೂನಿಫಾರ್ಮ್ ಅನ್ನು ತಪ್ಪಾಗಿ ಧರಿಸಿರುವುದಷ್ಟೇ ಅಲ್ಲದೇ, ಅಸಭ್ಯ ಪದಗಳನ್ನೂ ಅನಿಲ್‌ ಕಪೂರ್‌ ಬಳಸಿದ್ದಾರೆ. ಇದು ಭಾರತೀಯ ಸಶಸ್ತ್ರಪಡೆಗಳ ನಡವಳಿಕೆಗಳಿಗೆ ವಿರುದ್ಧವಾಗಿದೆ. ಸಂಬಂಧಿಸಿದ ಚಿತ್ರಣಗಳನ್ನು ಸಿನೆಮಾದಿಂದ ತೆಗೆಯಬೇಕು ಎಂದು ವಾಯುಪಡೆ ಟ್ವೀಟ್‌ ಮಾಡಿದೆ. ನೆಟ್‌ಫ್ಲಿಕ್‌ ಹಾಗೂ ಅನಿಲ್‌ಕಪೂರ್‌ “ಸಶಸ್ತ್ರಪಡೆಗಳನ್ನು ಚಿತ್ರ ಪ್ರತಿನಿಧಿಸುವುದಿಲ್ಲ. ನಮ್ಮ ದೇಶವನ್ನು ರಕ್ಷಿಸುತ್ತಿರುವ ಸೈನಿಕರ ಬಗ್ಗೆ ನಮಗೆ ಗೌರವವಿದೆ’ ಎಂದು ಟ್ವೀಟ್‌ ಮಾಡಿದ್ದಾರೆ.