ಬಹಳ ಫ್ರೀಯಾಗಿ ಓದಿದ್ದೇನೆ

ಮೂಡುಬಿದಿರೆ: “ಬಹಳ ಫ್ರೀ ಆಗಿದ್ದುಕೊಂಡು ಆಸಕ್ತಿ ಮೂಡಿದಾಗಲೆಲ್ಲ ಓದಿದ್ದೇನೆ. ಸಂಗೀತ, ಕೀ ಬೋರ್ಡ್‌ ನುಡಿಸುತ್ತ, ಕ್ರಿಕೆಟ್‌, ಫುಟ್‌ಬಾಲ್‌ ಆಡುತ್ತ, ಪತ್ರಿಕೆಗಳನ್ನು ಓದುತ್ತ ಇದ್ದೆ. ನನಗೆ ಪೋಷಕರ ಒತ್ತಡವೇನೂ ಇರಲಿಲ್ಲ.

ಶಿಕ್ಷಕರೂ ಉತ್ತಮ ಮಾರ್ಗದರ್ಶನ ನೀಡಿದ್ದಾರೆ. 625ರಲ್ಲಿ 625 ಅಂಕ ಬರಬಹುದೆಂದು ನಿರೀಕ್ಷಿಸಿದ್ದೆ ಎನ್ನುತ್ತಾರೆ ಎಸೆಸೆಲ್ಸಿ ಪರೀಕ್ಷೆಯಲ್ಲಿ 623 ಅಂಕ ಪಡೆದಿರುವ ಮೂಡುಬಿದಿರೆ ಆಳ್ವಾಸ್‌ ಆಂಗ್ಲ ಮಾಧ್ಯಮ ಶಾಲೆ ವಿದ್ಯಾರ್ಥಿ ಸುಜ್ಞಾನ್‌ ಆರ್‌. ಶೆಟ್ಟಿ.

ಇವರು ಆಳ್ವಾಸ್‌ ಪಿಯು ಕಾಲೇಜಿ ನಲ್ಲಿ ಪ್ರಾಚಾರ್ಯರಾಗಿರುವ ರಮೇಶ ಶೆಟ್ಟಿ ಹಾಗೂ ಬಿಎಡ್‌ ಓದಿರುವ ಆರತಿ ಶೆಟ್ಟಿ ಅವರ ಪುತ್ರ. ಮಗನ ಸಾಧನೆಯಿಂದ ಹೆತ್ತವರೂ ಸಂತಸಗೊಂಡಿದ್ದಾರೆ.