ನನಗೆ ಜೀವ ಭಯವಿದೆ: ವಿಮಲಾಬಾಯಿ ಚಡಚಣ

ವಿಜಯಪುರ: “ನನ್ನ ಇಬ್ಬರು ಮಕ್ಕಳ ಪ್ರಾಣ ತೆಗೆದಿದ್ದಾರೆ, ಈಗ ನನಗೂ ಜೀವ ಭಯವಿದೆ’ ಎಂದು ಹತ್ಯೆಗೀಡಾದ ಚಡಚಣ ಸಹೋದರರ ತಾಯಿ ವಿಮಲಾಬಾಯಿ ಚಡಚಣ ಹೇಳಿದ್ದಾರೆ.

ಅಜ್ಞಾತ ಸ್ಥಳವೊಂದರಿಂದ ವಿಡಿಯೋ ಬಿಡುಗಡೆ ಮಾಡಿರುವ ಅವರು, “ಧರ್ಮರಾಜ್‌ ಚಡಚಣ ಎನ್‌ಕೌಂಟರ್‌ ಹಾಗೂ ಆತನ ಸಹೋದರ ಗಂಗಾಧರ ಚಡಚಣ ನಿಗೂಢ ಸಾವಿನ ಪ್ರಕರಣಕ್ಕೆ ಸಂಬಂಧಿಸಿದಂತೆ ಆರೋಪಿಯಾಗಿರುವ ಮಹಾದೇವ ಸಾಹುಕಾರ ಭೈರೊಗಂಡ, ಅಂದಿನ ಪಿಎಸ್‌ಐ ಗೋಪಾಲ ಹಳ್ಳೂರ ಸೇರಿ ಇತರೆ ಆರೋಪಿಗಳು ಜಾಮೀನಿನ ಮೇಲೆ ಬಿಡುಗಡೆಯಾಗಿದ್ದಾರೆ.

ಆರೋಪಿಗಳ ಬಳಿ ಸಾಕಷ್ಟು ದುಡ್ಡಿದೆ, ರಾಜಕೀಯ ವ್ಯಕ್ತಿಗಳ ಪ್ರಭಾವವೂ ಇದೆ. ಹೀಗಾಗಿ ನನಗೆ ಕೋರ್ಟ್‌ಗೆ ಹೋಗಲು ಸಹ ಜೀವ ಭಯವಿದೆ ಎಂದಿದ್ದಾರೆ. ಅದೇ ವಿಡಿಯೋದಲ್ಲಿ ಧರ್ಮರಾಜ್‌ ಚಡಚಣ ಎನ್‌ಕೌಂಟರ್‌ ಹಾಗೂ ಗಂಗಾಧರ ಚಡಚಣ ನಿಗೂಢ ಸಾವಿನ ಕುರಿತು ಸಮಗ್ರ ತನಿಖೆಯನ್ನು ಸಿಬಿಐಗೆ ವಹಿಸಬೇಕೆಂದು ಕೈ ಮುಗಿದು ವಿನಂತಿ ಮಾಡಿಕೊಂಡಿದ್ದಾರೆ.