ನಾನು ವೈನ್‌ ಇದ್ದಂತೆ, ಹಳತಾದಷ್ಟೂ ಗುಣಮಟ್ಟ ಜಾಸ್ತಿ: ಧೋನಿ ಹಾಸ್ಯ

ಆಂಟಿಗಾ: ಭಾರತ ಕ್ರಿಕೆಟ್‌ ತಂಡದ ಮಾಜಿ ನಾಯಕ ಮಹೇಂದ್ರ ಸಿಂಗ್‌ ಧೋನಿ ವೆಸ್ಟ್‌ಇಂಡೀಸ್‌ ವಿರುದ್ಧದ ಮೂರನೇ ಏಕದಿನ ಪಂದ್ಯದಲ್ಲಿ 78 ರನ್‌ ಬಾರಿಸಿ ಪಂದ್ಯ ಗೆಲ್ಲಿಸಿರುವುದು  ಈಗ ಚರ್ಚೆಯ ಕೇಂದ್ರ ಬಿಂದು ಆಗಿದೆ. 

ಹಾಸ್ಯ ಮನೋಭಾವಕ್ಕೆ ಹೆಸರಾಗಿರುವ ಧೋನಿ ಈ ಕುರಿತ ಪ್ರಶ್ನೆಗೆ ಪತ್ರಿಕಾಗೋಷ್ಠಿಯಲ್ಲೂ ಚಟಾಕಿಗಳನ್ನು ಹಾರಿಸಿದರು. ನಾನು ವೈನ್‌ ಇದ್ದ ಹಾಗೆ, ಹಳತಾದಷ್ಟೂ ಉತ್ತಮಗೊಳ್ಳುತ್ತ ಹೋಗುತ್ತೇನೆ ಎಂದು ಬ್ಯಾಟಿಂಗ್‌ನ ಮೂಲ ರಹಸ್ಯವನ್ನು ವಿವರಿಸಿದ್ದಾರೆ!