ವೆಂಟಿಲೇಟರ್‌ಗಳಿಗೆ ಬ್ಯಾಗ್‌ ವಾಲ್ವ್ ಮಾಸ್ಕ್ ಪರಿಹಾರ

ಕೋವಿಡ್ 19 ವೈರಸ್ ಸೋಂಕಿಗೆ ತುತ್ತಾದವರಿಗೆ ಉಸಿರಾಟದ ಸಮಸ್ಯೆ ಕಾಣಿಸಿಕೊಳ್ಳುವುದರಿಂದ ಅವರನ್ನು ವೆಂಟಿಲೇಟರ್‌ನಲ್ಲಿ ಇರಿಸಬೇಕಾಗುತ್ತದೆ. ಆದರೆ, ಪ್ರಸ್ತುತ ದೇಶದಲ್ಲಿ ವೆಂಟಿಲೇಟರ್‌ಗಳ ಕೊರತೆ ಇದೆ.

ವೆಂಟಿಲೇಟರ್‌ಗಳಿಗೆ ಪರ್ಯಾಯವಾಗಿ ಬ್ಯಾಗ್‌ ವಾಲ್ವ್ ಮಾಸ್ಕ್ ಗಳನ್ನು ಬಳಸಬಹುದು ಎಂದು ಹೈದರಾಬಾದ್‌ನ ಐಐಟಿಯ ಪ್ರಾಧ್ಯಾಪಕ ಪ್ರೊ.ಬಿ.ಎಸ್‌.ಮೂರ್ತಿ ಹೇಳಿದ್ದಾರೆ. ಅವರ ಪ್ರಕಾರ ಬ್ಯಾಗ್‌ ವಾಲ್ವ್ ಮಾಸ್ಕ್ ಗಳನ್ನು ಈಗಾಗಲೇ ಬೇರೆ ದೇಶಗಳಲ್ಲಿ ಬಳಸಲಾಗುತ್ತಿದೆ. ಹೀಗಾಗಿ ಇವು ಕಡಿಮೆ ಖರ್ಚಿನ ಬಹುಪಯೋಗಿ ಸಾಧನಗಳಾಗಿವೆ.