ಹುಣಸೂರು: ವಸತಿ ಶಾಲೆ ಅವ್ಯವಸ್ಥೆ ವಿರುದ್ದ ವಿದ್ಯಾರ್ಥಿಗಳ ಪ್ರತಿಭಟನೆ

ಹುಣಸೂರು: ತಾಲೂಕಿನ ಬಿಳಿಕೆರೆ ಹೋಬಳಿಯ ಸಬ್ಬನಹಳ್ಳಿ ಮೊರಾರ್ಜಿ ವಸತಿ ಶಾಲೆಯಲ್ಲಿ ಊಟ ಸೇರಿದಂತೆ ಇನ್ನಿತರ ಅವ್ಯವಸ್ಥೆ ವಿರುದ್ದ ವಿದ್ಯಾರ್ಥಿಗಳು ಭಾನುವಾರ ಪ್ರತಿಭಟನೆ ನಡೆಸಿದ್ದಾರೆ.

ಸಬ್ಬನಹಳ್ಳಿ ಮೊರಾರ್ಜಿ ವಸತಿ ಶಾಲೆಯಲ್ಲಿ ಊಟ, ಪಾಠ, ಶೌಚಾಲಯ ಅವ್ಯವಸ್ಥೆ ಜೊತೆಗೆ ಪಾಠ ಮಾಡದ ಶಿಕ್ಷಕರು, ಪ್ರಚಾರ್ಯರ ವಿರುದ್ದ ಧಿಕ್ಕಾರ ಕೂಗಿದರು.

ವಿಷಯ ತಿಳಿದ ಸತ್ಯ ಪೌಂಡೇಶನ್ ಸತ್ಯಪ್ಪ ವಸತಿ ನಿಲಯಕ್ಕೆ ತೆರಳಿ ಹಿರಿಯ ಅಧಿಕಾರಿಗಳ ಗಮನಕ್ಕೆ ತಂದ ವೇಳೆ ಸಮಸ್ಯೆ ಬಗೆಹರಿಸುವ ಭರವಸೆ ಮೇರೆಗೆ ಪ್ರತಿಭಟನೆ ಹಿಂಪಡೆದರು.

238 ವಿದ್ಯಾರ್ಥಿಗಳಿದ್ದು, ಮೆನುವಿನಂತೆ ಊಟ ನೀಡುತ್ತಿಲ್ಲ. ಚಪಾತಿ ನೀಡಿ ತಿಂಗಳಾಗಿದೆ. ಪಾಯಸ ಬಿಟ್ಟು ಬೇರೆ ಸಿಹಿ ತಿಂಡಿ ಕಂಡೇ ಇಲ್ಲ. ಹೊಟ್ಟೆ ತುಂಬ ಊಟವೂ ಸಿಗುತ್ತಿಲ್ಲ. ವಸತಿ ಶಾಲೆಯ ಶಿಕ್ಷಕಿಯರು, ಪ್ರಾಚಾರ್ಯರು ಆಗೊಮ್ಮೆ ಈಗೊಮ್ಮೆ ಶಾಲೆಗೆ ಬಂದಿದ್ದು ಬಿಟ್ಟರೆ ಹೇಳುವವರು ಕೇಳುವವರು ಇಲ್ಲಂತಾಗಿದೆ ಎಂದು ವಿದ್ಯಾರ್ಥಿಗಳು ಆಕ್ರೋಶ ವ್ಯಕ್ತಪಡಿಸಿದರು.