Advertisement
ಬಿಳಿಕೆರೆ ಹೋಬಳಿಯ ಧರ್ಮಾಪುರದ ಲೇ.ಸ್ವಾಮಿಗೌಡರ ಪುತ್ರ ಕರೀಗೌಡ ಗಾಯಗೊಂಡು ಹುಣಸೂರಿನ ಖಾಸಗಿ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದಾರೆ. ಕರೀಗೌಡರು ತಮ್ಮ ಜಮೀನಿನಲ್ಲಿ ದನಗಳ ಮೇಯಿಸುತ್ತಿದ್ದ ವೇಳೆ ಕಾಡು ಹಂದಿ ಏಕಾಏಕಿ ದಾಳಿ ನಡೆಸಿದಾಗ ಕಿರುಚಿಕೊಂಡಾಗ ಅಕ್ಕಪಕ್ಕದ ರೈತರು ಬರುವ ವೇಳೆಗಾಗಲೇ ಕೋರೆಯಿಂದ ಹೊಟ್ಟೆ, ಎದೆ, ಬೆನ್ನಿನ ಭಾಗಕ್ಕೆ ತಿವಿದು ಗಾಯಗೊಳಿಸಿದೆ. ಜನರು ಬರುವುದು ಕಂಡು ಕಾಡು ಹಂದಿ ಪರಾರಿಯಾಗಿದೆ.
ಹಂದಿ ಹಾವಳಿಯಿಂದ ಧರ್ಮಾಪುರ, ಗೌರಿಪುರ, ನಂಜಾಪುರ ಭಾಗದ ರೈತರು ಬೆಳೆದ ಬೆಳೆಗಳು ಹಾನಿಯಾಗಿ ಆತಂಕದಲ್ಲಿದ್ದು, ಸಿಕ್ಕಷ್ಟು ಬೆಲೆಗಳಿಗೆ ಬೆಳೆ ಮಾರಾಟ ಮಾಡುವಂತಾಗಿದೆ. ಹಂದಿ ಹಾವಳಿ ತಪ್ಪಿಸಲು ಕ್ರಮ ಕೈಗೊಳ್ಳದಿದ್ದಲ್ಲಿ ಅರಣ್ಯ ಇಲಾಖೆ ಎದುರು ಪ್ರತಿಭಟನೆ ನಡೆಸಲಾಗುವುದೆಂದು ನಂಜಾಪುರ ಮನು, ರಾಕೇಶ್, ಮಹದೇವ್ ಎಚ್ಚರಿಸಿದ್ದಾರೆ.