ಆರೋಗ್ಯವೇ ಭಾಗ್ಯ…ರುಚಿಕರವಾದ ವೆಜ್‌ ಗೋಲ್ಡ್‌ ಕಾಯಿನ್‌ ರೆಸಿಪಿ

ಆರೋಗ್ಯವೇ ಭಾಗ್ಯ ಎಂಬ ನಾಣ್ನುಡಿ ಇದೆ. ಮಾನವನಿಗೆ ಆರೋಗ್ಯ ಮತ್ತು ಆಯುಸ್ಸುಗಿಂತ ಬೇರೆ ಭಾಗ್ಯವಿಲ್ಲ, ಆರೋಗ್ಯದ ಗುಟ್ಟು ಆಹಾರದಲ್ಲಿ ಇರುವುದು ಎಲ್ಲರಿಗೂ ಗೊತ್ತು,ವಿವಿಧತೆಯಲ್ಲಿ ಏಕತೆ ಹೊಂದಿದ ದೇಶ ಭಾರತ. ಅದರಂತೆ ದೇಶದ ಆಹಾರ ಪದ್ಧತಿಯಲ್ಲೂ ಆಯಾಯ ಪ್ರದೇಶಕ್ಕೆ ಹೋದಂತೆ ಅಲ್ಲಿನ ಆಹಾರ ಪದ್ಧತಿಗಳು ಬದಲಾಗುತ್ತಿರುತ್ತವೆ ಹಾಗಾಗಿ ಆಹಾರದಲ್ಲಿ ಕೂಡಾ ವೈವಿಧ್ಯತೆಯನ್ನು ಕಾಣಬಹುದು .ಕಾಲ ಬದಲಾದಂತೆ ಜನ ಆಧುನಿಕ ಶೈಲಿಯ ಆಹಾರ ಪದ್ಧತಿಗೆ ಮರುಹೋಗುತ್ತಿದ್ದಾರೆ.

ಈಗೀನ ಮಕ್ಕಳು ಸ್ನ್ಯಾಕ್ಸ್‌ ತಿಂಡಿ ತುಂಬಾನೇ ಇಷ್ಟಪಡುತ್ತಾರೆ.ಅದರಲ್ಲೂ ವಿವಿಧ ಬಗೆಯ ತಿಂಡಿಗಳೆಂದರೆ ಅವರಿಗೆ ಪಂಚಪ್ರಾಣ. ನಿಮ್ಮ ಮಕ್ಕಳೂ ನಿಮಗೆ ಹೊಸ ರುಚಿಯ ತಿಂಡಿಬೇಕೆಂದು ನಿಮಗೆ ಕೇಳುತ್ತಿದ್ದರೆ ಇಲ್ಲೊಂದು ರೆಸಿಪಿ ಇದೆ ಅದುವೇ ವೆಜ್‌ ಗೋಲ್ಡ್‌ ಕಾಯಿನ್‌.

ಈ ರೆಸಿಪಿ ತುಂಬಾನೇ ಸಿಂಪಲ್ ಕೂಡ ಆಗಿದೆ . ನೀವು ಇದನ್ನು ಮನೆಯಲ್ಲಿ ಟ್ರೈ ಮಾಡಿ ನೋಡಿ .

ವೆಜ್‌ ಗೋಲ್ಡ್‌ ಕಾಯಿನ್‌ ಬೇಕಾಗುವ ಸಾಮಗ್ರಿಗಳು
ಬೇಯಿಸಿದ ಆಲೂಗಡ್ಡೆ-3,ಈರುಳ್ಳಿ-2(ಸಣ್ಣಗೆ ಹೆಚ್ಚಿದ್ದು), ತುರಿದಿಟ್ಟ ಕ್ಯಾರೆಟ್‌-3ಚಮಚ, ಕ್ಯಾಪ್ಸಿಕಂ-ಸ್ವಲ್ಪ, ಹಸಿಮೆಣಸು-2,ಶುಂಠಿ-ಬೆಳ್ಳುಳ್ಳಿ ಪೇಸ್ಟ್‌-2ಚಮಚ, ಕೊತ್ತಂಬರಿ ಸೊಪ್ಪು-ಸ್ವಲ್ಪ, ಸೋಯಾ ಸಾಸ್‌-2ಚಮಚ ಬ್ರೆಡ್ಡಿನ ಚೂರು, ಕಾರ್ನ್ -2 ಚಮಚ, ಬಿಳಿ ಎಳ್ಳು-3ಚಮಚ, ಪೆಪ್ಪರ್‌-ಅರ್ಧ ಚಮಚ, ಟೊಮೆಟೋ ಸಾಸ್‌, ಕರಿಯಲು ಎಣ್ಣೆ, ರುಚಿಗೆ ತಕ್ಕಷ್ಟು ಉಪ್ಪು.

ತಯಾರಿಸುವ ವಿಧಾನ
-ಮೊದಲಿಗೆ ಒಂದು ಬೌಲ್‌ ಗೆ ಬೇಯಿಸಿದ ಆಲೂಗಡ್ಡೆ, ಸಣ್ಣಗೆ ಹೆಚ್ಚಿದ ಈರುಳ್ಳಿ, ತುರಿದಿಟ್ಟ ಕ್ಯಾರೆಟ್‌, ಕ್ಯಾಪ್ಸಿಕಂ ಮತ್ತು ಕಾರ್ನ್ ಹಾಕಿ ಸರಿಯಾಗಿ ಮಿಕ್ಸ್‌ ಮಾಡಿ.
-ನಂತರ ಅದಕ್ಕೆ ಶುಂಠಿ-ಬೆಳ್ಳುಳ್ಳಿ ಪೇಸ್ಟ್‌, ಹಸಿಮೆಣಸು, ಪೆಪ್ಪರ್‌ ಪುಡಿ, ಕೊತ್ತಂಬರಿ ಸೊಪ್ಪು , ಸೋಯಾ ಸಾಸ್‌ ಮತ್ತು ರುಚಿಗೆ ತಕ್ಕಷ್ಟು ಉಪ್ಪನ್ನು ಸೇರಿಸಿ ಪುನಃ ಮಿಕ್ಸ್‌ ಮಾಡಿಕೊಳ್ಳಿ.

-ತದನಂತರ ದುಂಡಗಿನ ಆಕಾರ ಮಾಡಿಕೊಳ್ಳಲು ಗ್ಲಾಸ್‌ ನ್ನು ಬಳಸಿ ಬ್ರೆಡ್‌ ಸ್ಲೈಸ್ ನ್ನು ದುಂಡಗಿನ ತುಂಡುಗಳಾಗಿ ಕಟ್‌ ಮಾಡಿಕೊಳ್ಳಿ.

-ಆಮೇಲೆ ಒಂದೊಂದೇ ಕಟ್‌ ಮಾಡಿದ ಬ್ರೆಡ್‌ ಸ್ಲೈಸ್ ತೆಗೆದು ಅದರ ಮೇಲೆ ಆಲೂ ಮಿಶ್ರಣವನ್ನು ಸವರಿಕೊಳ್ಳಿರಿ.

-ಆ ಬಳಿಕ ಆಲೂಮಿಶ್ರಣದ ಮೇಲೆ ಬಿಳಿ ಎಳ್ಳಿನೊಂದಿಗೆ ಕೋಟ್‌ ಮಾಡಿಕೊಳ್ಳಿ.

-ಒಂದು ಬಾಣಲೆಗೆ ಎಣ್ಣೆಯನ್ನು ಹಾಕಿ ಕಾದಮೇಲೆ ಈ ಬ್ರೆಡ್‌ ಮಿಶ್ರಣವನ್ನು ಎಣ್ಣೆಯಲ್ಲಿ ಗರಿಗರಿಯಾಗುವವರೆಗೆ ಫ್ರೈ ಮಾಡಿದರೆ ವೆಜ್‌ ಗೋಲ್ಡ್‌ ಕಾಯಿನ್‌ ಟೊಮೆಟೋ ಸಾಸ್‌ ಜೊತೆ ತಿನ್ನಲು ಸಿದ್ಧ.

*ಶ್ರೀರಾಮ್ ನಾಯಕ್