ಫೇಸ್‍ಬುಕ್‍ ನಲ್ಲಿ ಅನೇಕರು ನನ್ನ ಹೆಸರಿನ ಇನ್ನೊಂದು ಅಕೌಂಟ್‍ ರಚಿಸಲಾಗಿದೆ. ಫ್ರೆಂಡ್‍ ರಿಕ್ವೆಸ್ಟ್ ಬಂದರೆ ಆಕ್ಸೆಪ್ಟ್ ಮಾಡಬೇಡಿ. ನನ್ನ ಹೆಸರಿನಲ್ಲಿ ಮೆಸೆಂಜರ್‍ ಗೆ ಬಂದು ಹಾಯ್‍ ನಾನು ತೊಂದರೆಯಲ್ಲಿದ್ದೇನೆ ಹಣ ಕಳುಹಿಸಿ ಎಂದು ಕೇಳಿದರೆ ಕೊಡಬೇಡಿ ಎಂದು ಮನವಿ ಮಾಡುವುದನ್ನು ನೋಡಿದ್ದೇವೆ.
ಇನ್ನೂ ಕೆಲವರು ನನ್ನ ಅಕೌಂಟನ್ನು ಹ್ಯಾಕ್‍ ಮಾಡಲಾಗಿದೆ ಎಂದು ಹಾಕುತ್ತಾರೆ. ಅದಕ್ಕೆ ಕೆಲವರು ನಿಮ್ಮ ಪಾಸ್ ವರ್ಡ್‍ ಬದಲಿಸಿ ಎಂದು ಹಾಕುತ್ತಾರೆ. ಇದರ ಅಗತ್ಯ ಇಲ್ಲ. ನಿಮ್ಮ ಅಕೌಂಟ್‍ ಹ್ಯಾಕ್‍ ಆಗಿರಲ್ಲ. ನಿಮ್ಮ ಫೇಸ್ ಬುಕ್ ಅಕೌಂಟ್‍ ಹ್ಯಾಕ್‍ ಆಗೋದು ಎಂದರೆ, ನಿಮ್ಮ ಒರಿಜಿನಲ್‍ ಅಕೌಂಟ್‍ ಗೇ ಕನ್ನ ಹಾಕೋದು. ಆದರೆ ಇಲ್ಲಿ, ನಿಮ್ಮ ಒರಿಜಿನಲ್‍ ಅಕೌಂಟ್‍ ಗೆ ಏನೂ ಆಗಿರಲ್ಲ. ನಿಮ್ಮದೇ ಹೆಸರು, ಇನಿಷಿಯಲ್‍, ಅದೇ ಫೊಟೋ ಹಾಕಿ ಇನ್ನೊಂದು ಅಕೌಂಟ್‍ ರಚಿಸಲಾಗಿರುತ್ತದೆ.
ಈ ನಕಲಿ ಅಕೌಂಟನ್ನು ಕೇವಲ ಐದು ನಿಮಿಷದಲ್ಲಿ ಫೇಸ್‍ಬುಕ್‍ ನಿಂದ ತೆಗೆಸಿಹಾಕಬಹುದು. ಈ ಕೆಳಗೆ ವಿವರಿಸಿದ ಕ್ರಮವನ್ನು ಅನುಸರಿಸಿ, ನಿಮ್ಮ ಅಥವಾ ನಿಮ್ಮ ಗೆಳೆಯರ ನಕಲಿ ಅಕೌಂಟನ್ನು ತಕ್ಷಣ ರಿಮೂವ್ ಮಾಡಿಸಬಹುದು.
ಮೊದಲಿಗೆ ನಿಮ್ಮ ಗೆಳೆಯರ ಹೆಸರಿನಲ್ಲಿ ನಿಮಗೆ ಫ್ರೆಂಡ್‍ ರಿಕ್ವೆಸ್ಟ್ ಬರುತ್ತದೆ. ಅದಾಗಲೇ ನೀವು ಅವರಿಗೆ ಫ್ರೆಂಡ್‍ ಆಗಿರುತ್ತೀರಿ. ಆದರೂ ಮತ್ತೊಮ್ಮೆ ಅದೇ ಹೆಸರಿನಲ್ಲಿ ಫ್ರೆಂಡ್‍ ರಿಕ್ವೆಸ್ಟ್ ಬಂದಿದೆಯಲ್ಲ ಎಂದು ಅನುಮಾನಿಸಿ. ಆ ರಿಕ್ವೆಸ್ಟ್ ಸ್ವೀಕರಿಸಬೇಡಿ. ಆ ಅಕೌಂಟ್‍ ನಲ್ಲಿ ರೆಸ್ಪಾಂಡ್‍ ಪಕ್ಕದಲ್ಲಿ ಮೂರು ಚುಕ್ಕಿ ಇರುತ್ತವೆ ಅದನ್ನು ಒತ್ತಿ. ಅಲ್ಲಿ ನಿಮ್ಮ ಗೆಳೆಯರ ಹೆಸರಿನ ಪ್ರೊಫೈಲ್‍ ಸೆಟ್ಟಿಂಗ್ಸ್ ಇರುತ್ತದೆ. ಉದಾಹರಣೆಗೆ ನಟರಾಜ್‍ ಎಂಬ ಹೆಸರಿನ ಪ್ರೊಫೈಲ್‍ ಲಿಂಕ್‍ ಅಂತಿದೆ. ಅದರ ಕೆಳಗೆ ಫೇಸ್‍ಬುಕ್‍ .ಕಾಂ./ರಮೇಶ್‍ ಕುಮಾರ್ ಅಂತಿದೆ. ಅಸಲಿಗಾದರೆ ನಟರಾಜ್‍ ಹೆಸರಿನ ಮುಂದೆ ರಮೇಶ್‍ ಕುಮಾರ್ ಅಂತ ಬರುವುದಿಲ್ಲ. ನಿಮ್ಮ ಗೆಳೆಯರ ಒರಿಜಿನಲ್‍ ಖಾತೆಯಾದರೆ ಫೇಸ್ ಬುಕ್ .ಕಾಂ/ನಟರಾಜ್‍ ಅಂತಲೇ ಇರುತ್ತದೆ. ಅದು ನಮ್ಮ ಫೇಸ್ ಬುಕ್ ಯುನಿಕ್‍ ಐಡಿ. ಅಲ್ಲಿ ನಕಲಿ ಅಕೌಂಟ್‍ ಮಾಡಿದವನು ಪ್ರದರ್ಶನದ ಹೆಸರನ್ನಷ್ಟೇ ಬದಲಿಸಿದ್ದಾನೆ. ಯುನಿಕ್‍ ಐಡಿ ನಕಲಿ ಖಾತೆ ಸೃಷ್ಟಿಸಿದವನ ಹೆಸರಿನಲ್ಲಿರುತ್ತದೆ. ಅಥವಾ ಯಾವ್ಯಾವದೋ ಅಂಕಿಗಳನ್ನು ಒತ್ತಿರುತ್ತಾನೆ. ಅದನ್ನು ಗಮನಿಸಿಕೊಳ್ಳಿ. ಅಲ್ಲಿಗೆ ಅದು ನಕಲಿ ಅಕೌಂಟ್‍ ಎಂಬುದು ಖಚಿತ.
ಇದನ್ನೂ ಓದಿ:ಟೆಲಿಗ್ರಾಂ ವಾಟ್ಸ್ಯಾಪ್ ಗಿಂತ ಹೇಗೆ ಭಿನ್ನ.? ಟೆಲಿಗ್ರಾಂ ಬಗ್ಗೆ ನಿಮಗೆಷ್ಟು ಗೊತ್ತು..?
ಮುಂದಿನ ಹಂತ ಅದೇ ಪುಟದಲ್ಲಿ ಮೇಲೆ ಫೈಂಡ್‍ ಸಪೋರ್ಟ್ ಆರ್‍ ರಿಪೋರ್ಟ್ ಪ್ರೊಫೈಲ್‍ ಅಂತಿದೆ. ಅದನ್ನು ಒತ್ತಿ. ಆಗ ಮುಂದಿನ ಪುಟ ತೆರೆದುಕೊಳ್ಳುತ್ತದೆ. ಅದರಲ್ಲಿ ಮೊದಲನೆಯ ಆಯ್ಕೆ Pretending to Be Someone ಅಂತಿರುತ್ತದೆ. ಅದನ್ನು ಒತ್ತಿ. ಮುಂದಿನ ಪುಟದಲ್ಲಿ Me, A Friend, Celebrity ಅಂತ ಬರುತ್ತದೆ. ಆ ನಕಲಿ ಅಕೌಂಟ್‍ ನಿಮ್ಮದೇ ಆಗಿದ್ದರೆ, Me ಒತ್ತಿ, ನಂತರ Next ಒತ್ತಿ Submit/Done ಕೊಡಿ.
ಆ ಅಕೌಂಟ್‍ ನಿಮ್ಮ ಗೆಳೆಯರಾದರೆ A Friend ಒತ್ತಿ. ಆಗ ಮುಂದೆ, Which Friend ಎಂದು ಕೇಳುತ್ತದೆ. ಅದರ ಕೆಳಗೆ ಸರ್ಚ್ ಬಾರ್‍ ನಲ್ಲಿ ನಿಮ್ಮ ಗೆಳೆಯರ ಅಕೌಂಟಿನ ಸರಿಯಾದ ಹೆಸರನ್ನು ಒತ್ತಿ ಆಗ ನಿಮ್ಮ ಗೆಳೆಯರ ಅಕೌಂಟ್‍ ಹೆಸರು ಬರುತ್ತದೆ. ಆ ಹೆಸರಿನ ಮೇಲೆ ಒತ್ತಿ. ಆಗ Does this go against our Community Standards? ಅಂತ ಬರುತ್ತದೆ. ಅದರ ಕೆಳಗೆ Submit ಅಂತ ನೀಲಿ ಬಣ್ಣದಲ್ಲಿ ಇರುತ್ತದೆ. ಅದರ ಮೇಲೆ Receive notifications about this report ಅಂತಿರುತ್ತದೆ. ಅದನ್ನು ಟಿಕ್‍ ಮಾಡಿ ಸಬ್‍ಮಿಟ್‍ ಕೊಡಿ. ಇಷ್ಟು ಮಾಡಿದರೆ Thank you, we have received your report ಬರುತ್ತದೆ. ಇಷ್ಟು ಮಾಡಿದರೆ ಸಾಕು. ನಂತರ ಐದೇ ನಿಮಿಷದಲ್ಲಿ ಆ ನಕಲಿ ಅಕೌಂಟ್‍ ಡಿಲೀಟ್‍ ಆಗುತ್ತದೆ. ನಿಮ್ಮ ಮೇಲ್‍ ಗೆ ಮೆಸೇಜ್‍ ಸಹ ಬರುತ್ತದೆ. ಮತ್ತೆ ನಿಮ್ಮ ಗೆಳೆಯನ ಹೆಸರು ಹಾಕಿ ಹುಡುಕಿದರೆ, ನಕಲಿ ಖಾತೆ ಡಿಲೀಟ್‍ ಆಗಿ, This Page isn’t available Right Now ಎಂಬುದು ಬರುತ್ತದೆ.
-ಕೆ.ಎಸ್. ಬನಶಂಕರ ಆರಾಧ್ಯ 