ಭದ್ರಾವತಿ: ಮನೆ ಗೋಡೆ ಕುಸಿದು ಓರ್ವ ಸಾವು

ಭದ್ರಾವತಿ: ರಾತ್ರಿ ಮಲಗಿದ್ದ ವೇಳೆ ಮನೆಯ ಗೋಡೆ ಕುಸಿದು ವ್ಯಕ್ತಿಯೋರ್ವರು ಸಾವನ್ನಪ್ಪಿದ ಘಟನೆ ಭದ್ರಾವತಿಯ ಹೊಸ ಸಿದ್ದಾಪುರ ಗ್ರಾಮದ ನಂಜಾಪುರದಲ್ಲಿ ರವಿವಾರ ನಡೆದಿದೆ.

ಗುರು (40) ಗೋಡೆ ಕುಸಿದು ಸಾವನ್ನಪ್ಪಿದ ದುರ್ದೈವಿ. ಗುರು ಅವರ ಹೆಂಡ್ತಿ ಮತ್ತು ಮಕ್ಕಳು ಗಾಯಗೊಂಡಿದ್ದಾರೆ.

ಗೋಡೆ ಕುಸಿತದಿಂದ ಗಾಯಗೊಂಡ ಗಂಗಮ್ಮ (33), ಮಂಜುನಾಥ್ (16), ಭೂಮಿಕಾ (14) ಅವರನ್ನು ಭದ್ರಾವತಿ ತಾಲೂಕು ಆಸ್ಪತ್ರೆಗೆ ದಾಖಲು ಮಾಡಲಾಗಿದೆ.