ದುಪ್ಪಟ್ಟಾದ ಸಚಿವರ ಮನೆ ಬಾಡಿಗೆ ಭತ್ಯೆ: ಈಗ ಎಷ್ಟು ಗೊತ್ತಾ?

ಚಂಡೀಗಡ: ಹರ್ಯಾಣ ರಾಜ್ಯ ಸರಕಾರ ತನ್ನ ಸಂಪುಟದ ಸಚಿವರ ಮನೆ ಬಾಡಿಗೆಯನ್ನು ಹೆಚ್ಚಿಸಿದ್ದು, ದುಪ್ಪಟ್ಟು ಮಾಡಲಾಗಿದೆ.

ಹರ್ಯಾಣ ಮುಖ್ಯಮಂತ್ರಿ ಮನೋಹರ್ ಲಾಲ್ ಖಟ್ಟರ್ ತನ್ನ ಸಚಿವರ ಮನೆ ಬಾಡಿಗೆ ಭತ್ಯೆಯನ್ನು ಪ್ರತಿ ತಿಂಗಳು ಎಂಬತ್ತು ಸಾವಿರಕ್ಕೇರಿದ್ದಾರೆ. ಈ ಹಿಂದೆ 50 ಸಾವಿರವಿತ್ತು.

ಸೋಮವಾರ ಖಟ್ಟರ್ ಅಧ್ಯಕ್ಷತೆಯಲ್ಲಿ ನಡೆದ ಕ್ಯಾಬಿನೆಟ್ ಸಭೆಯಲ್ಲಿ ಈ ನಿರ್ಣಯ ಮಾಡಲಾಗಿದೆ.

ಎಂಬತ್ತು ಸಾವಿರದ ಬಾಡಿಗೆಯ ಜೊತೆಗೆ ವಿದ್ಯುತ್ ಬಿಲ್ ಮತ್ತು ನೀರಿನ ಚಾರ್ಜ್ ಎಂದು 20 ಸಾವಿರ ರೂಪಾಯಿ ಹೆಚ್ಚುವರಿಯಾಗಿ ಸಿಗಲಿದೆ.