Daily Horoscope: ಅತ್ಯುತ್ಸಾಹದಿಂದ ನಿರಾಶೆ ಎಂಬುದು ನೆನಪಿರಲಿ‌

ಮೇಷ: ಅದೃಷ್ಟದ ಆಟದಲ್ಲಿ ಗೆದ್ದವರಿಗೆ ಅಭಿನಂದನೆ ಹೇಳುವ ಸಮಯ. ವಿರಾಮದ ಸಂದರ್ಭದಲ್ಲಿ ಗೆಳೆಯರ ಭೇಟಿ. ಆಪ್ತರ ಸಹಾಯದಲ್ಲಿ ಉದ್ಯಮದ ವ್ಯಾಪ್ತಿ ವಿಸ್ತರಣೆ. ಗುರುಗಳ ಮಾರ್ಗದರ್ಶನದಲ್ಲಿ ಸಾಧನೆ ಮುಂದುವರಿಕೆ. ಅಸಹಾಯಕ ಅಪರಿಚಿತರಿಗೆ ಸಕಾಲಿಕ ಸಹಾಯ.

ವೃಷಭ: ಅರಸುತ್ತಿದ್ದ ಅವಕಾಶ ಸಿಗಲಿಲ್ಲವೆಂದು ಬೇಸರಪಡದಿರಿ. ಸ್ವಂತ ಉದ್ಯಮದ ಉತ್ಪನ್ನಗಳ ಪೂರೈಕೆ ವ್ಯಾಪ್ತಿ ನಿರೀಕ್ಷೆ ಮೀರಿ ವಿಸ್ತರಣೆ. ವಸ್ತ್ರ, ಸಿದ್ಧ ಉಡುಪು ವ್ಯಾಪಾರಿಗಳಿಗೆ ಬಿಡುವಿಲ್ಲದಷ್ಟು ವ್ಯಾಪಾರ. ಯಂತ್ರೋಪಕರಣ ಮಾರಾಟಗಾರರಿಗೆ ಪೈಪೋಟಿಯ ಸಮಸ್ಯೆ.

ಮಿಥುನ: ಅತ್ಯುತ್ಸಾಹದಿಂದ ನಿರಾಶೆ ಎಂಬುದು ನೆನಪಿರಲಿ. ಪ್ರತಿಕ್ರಿಯೆ ನೀಡುವ ಮೊದಲು ಚೆನ್ನಾಗಿ ಯೋಚಿಸಿರಿ. ಹಿರಿಯ ವ್ಯಕ್ತಿಯ ಹಿತವಚನ ಪಾಲನೆಯಿಂದ ಲಾಭ. ಪಿತ್ರಾರ್ಜಿತ ಆಸ್ತಿಯನ್ನು ಮರಳಿ ಪಡೆಯುವ ಪ್ರಯತ್ನದಲ್ಲಿ ಮುನ್ನಡೆ.

ಕರ್ಕಾಟಕ: ಕಳೆದುಕೊಂಡದ್ದನ್ನು ಮರಳಿ ಪಡೆದ ಸಂತೃಪ್ತಿ. ಸರಕಾರಿ ಉದ್ಯೋಗಿಗಳಿಗೆ ವಿರಾಮದ ಸಂಭ್ರಮ. ಕೃಷಿ ಕ್ಷೇತ್ರ ಅಭಿವೃದ್ಧಿಗೆ ಹೊಸ ಪ್ರಯೋಗಗಳ ಅಳವಡಿಕೆ. ವಿವಾಹಾಸಕ್ತರಿಗೆ ಸಮರ್ಪಕ ಜೋಡಿ ಲಭಿಸುವ ಸೂಚನೆ. ಧಾರ್ಮಿಕ ಗೃಂಥಗಳ ಪಠನ.

ಸಿಂಹ: ವಿಶೇಷ ಅನುಭವಗಳನ್ನು ಮೆಲುಕು ಹಾಕುತ್ತಾ ಕಾಲಾಯಾಪನೆ. ದಕ್ಷಿಣದಲ್ಲಿರುವ ನಿಕಟ ಬಂಧುಗಳೊಂದಿಗೆ ಸಮ್ಮಿಲನ. ಆಪ್ತರ ಬಳಗದೊಡನೆ ಯೋಗಕ್ಷೇಮ ವಿನಿಮಯ. ಹಳೆಯ ನೆಂಟರ ಮನೆಯವರ ಶುಭಕಾರ್ಯಕ್ಕೆ ಸಹಾಯ. ಹಿರಿಯರಿಗೆ ಉತ್ತಮ ಆರೋಗ್ಯ.

ಕನ್ಯಾ: ಹಿರಿಯರ ಆಸ್ತಿಯಲ್ಲಿ ದಿನವಿಡೀ ಕಳೆಯುವ ಅವಕಾಶ. ನವದಂಪತಿಗಳ ಆಗಮನ. ವಸ್ತ್ರ, ಸಿದ್ಧ ಉಡುಪು ವ್ಯಾಪಾರಿಗಳಿಗೆ ಅರ್ಧ ದಿನದ ವ್ಯಾಪಾರದಲ್ಲಿ ಇಮ್ಮಡಿ ಲಾಭ. ಆಧ್ಯಾತ್ಮಿಕ ಪ್ರವಚನ ಮಾಡುವ ಆಸಕ್ತಿ. ಎಲೆಕ್ಟ್ರಿಕಲ್ ಮತ್ತು ಎಲೆಕ್ಟ್ರಾನಿಕ್ಸ್‌ ಸಾಮಗ್ರಿ ದುರಸ್ತಿ ಬಲ್ಲವರಿಗೆ ಬಿಡುವಿಲ್ಲದಷ್ಟು ಕೆಲಸ.

ತುಲಾ: ಬಾನಿನಲ್ಲಿ ಕವಿದ ಮೋಡಗಳಂತೆ ಮನಸ್ಸಿನಲ್ಲಿ ತುಂಬಿರುವ ಚಿಂತೆಗಳೂ ತೊಲಗುವುದು ಖಂಡಿತ. ಪ್ರವಾಸ ಮುಗಿಸಿ ಬಂದವರಿಗೆ ನಾಳೆಗೋಸ್ಕರ ಮನೆಯನ್ನು ಸಜ್ಜುಗೊಳಿಸುವ ಕಾರ್ಯ. ದೇವತಾ ಸ್ಥಾನಕ್ಕೆ ಭೇಟಿ. ಭಜನೆ, ಸತ್ಸಂಗ, ಸಂಗೀತ ಶ್ರವಣ, ಹರಿಕಥಾ ಶ್ರವಣದಲ್ಲಿ ಕಾಲಯಾಪನೆ.

ವೃಶ್ಚಿಕ: ಅತೃಪ್ತಿ, ಅಸಮಾಧಾನಗಳಿಗೆ ಅವಕಾಶ ನೀಡಬೇಡಿ. ಸಂಸಾರದಲ್ಲಿ ನೆಮ್ಮದಿಯ ದಿನ. ಕುಟುಂಬದಲ್ಲಿ ಶಿಶು ಜನನ. ಹೂವು, ಹಣ್ಣು, ತರಕಾರಿ ವ್ಯಾಪಾರಿಗಳಿಗೆ ಆದಾಯ ವೃದ್ಧಿ. ನೆರೆಮನೆಯಲ್ಲಿ ದೇವತಾರಾಧನೆ. ಕೃಷಿಕ್ಷೇತ್ರಕ್ಕೆ ಸಂದರ್ಶನ.

ಧನು: ಕೆಲವು ತಿಂಗಳುಗಳಿಂದ ನಡೆಯುತ್ತಿದ್ದ ಕಾರ್ಯ ಯಶಸ್ವಿಯಾಗಿ ಸಮಾಪ್ತಿ. ವಿರಾಮದ ದಿನ ಬಂಧುಗಳಿಂದ ಭೇಟಿ. ಆದಾಯ ವೃದ್ಧಿ ಯೋಜನೆಗಳ ಕುರಿತು ಸಮಾಲೋಚನೆ. ಬಾಲ್ಯದ ಒಡನಾಡಿಯೊಂದಿಗೆ ದೂರವಾಣಿಯಲ್ಲಿ ಸಂಭಾಷಣೆ. ಪುರಾಣ ವಾಚನ ಶ್ರವಣದಲ್ಲಿ ಆಸಕ್ತಿ.

ಮಕರ: ಆರು ದಿನಗಳ ಕಠಿನ ಶ್ರಮದಿಂದ ಬಿಡುಗಡೆ. ಸಾಹಿತ್ಯಾಧ್ಯಯನದ ಕಡೆಗೆ ಗಮನ. ವಿಚಾರಗೋಷ್ಠಿಗಳಲ್ಲಿ ಪಾಲುಗೊಳ್ಳುವಿಕೆ. ಕುಟುಂಬದ ಹಿರಿಯರ ಮನೆಗೆ ಸಂಸಾರ ಸಹಿತ ಭೇಟಿ. ವಧೂವರಾನ್ವೇಷಣೆಯಲ್ಲಿ ಆಸಕ್ತರಾಗಿರುವವರಿಗೆ ಶುಭ ಸಮಾಚಾರ.

ಕುಂಭ: ಕೆಲಸದ ಬದಲಾವಣೆಯೇ ವಿಶ್ರಾಂತಿ ಎಂಬ ಮಾತು ನಿಮ್ಮ ವಿಚಾರದಲ್ಲಿ ಸತ್ಯ. ವಿರಾಮದ ದಿನವಾದರೂ ಉದ್ಯೋಗ, ಉದ್ಯಮದ ವ್ಯವಸ್ಥೆಗಳು ಹಾಗೂ ಸಮಸ್ಯೆಗಳ ಕುರಿತು ಚಿಂತನೆ. ನಾಳೆಯ ರವಾನೆ ಕಾರ್ಯಗಳಿಗೆ ಇಂದೇ ಸಿದ್ಧತೆ.

ಮೀನ: ನಿತ್ಯದ ಕೆಲಸಗಳಿಗೆ ವಿರಾಮವಾದರೂ ಕ್ರಿಯಾಶೀಲತೆಗೆ ಚಾ ಲನೆ ನೀಡುವ ಆತುರ. ಸೋದರಿಯ ಮನೆಯಲ್ಲಿ ದೇವತಾ ಕಾರ್ಯ. ಕುಟುಂಬದ ಯೋಗಕ್ಷೇಮದ ಕುರಿತು ಮನೆಮಂದಿಯ ಜತೆಯಲ್ಲಿ ಕಲೆತು ಸಮಾಲೋಚನೆ. ವಿದ್ಯಾರ್ಥಿಗಳಾಗಿರುವ ಮಕ್ಕಳಿಗೆ ಭವಿಷ್ಯದ ಯೋಜನೆಗಳನ್ನು ರೂಪಿಸಿಕೊಳ್ಳಲು ಮಾರ್ಗದರ್ಶನ.ಪ್ರಾಪ್ತವಯಸ್ಕರಿಗೆ ಶೀಘ್ರ ವಿವಾಹ ಯೋಗ.