ಇಂದಿನ ಗ್ರಹಬಲ: ಈ ರಾಶಿಯವರಿಗಿಂದು ಕನಸಿನ ಕನ್ಯೆಯು ಬಾಳ ಸಂಗಾತಿಯು ದೊರಕಲಿದ್ದಾಳೆ

08-03-2021

ಮೇಷ: ನಿರುದ್ಯೋಗಿಗಳಿಗೆ ಈ ವಾರ ವೃತ್ತಿ ಸಿಗುವ ಶುಭ ಸುದ್ದಿ ಬಂದು ತಲುಪಲಿದೆ. ಯಾವುದಕ್ಕೂ ವಿಘ್ನದಿಂದಲೇ ವಿಜಯ ಪ್ರಾಪ್ತಿ ಎಂಬುದು ನಿಮ್ಮ ಅನುಭವಕ್ಕೆ ಬಂದೀತು. ರಾಜಕೀಯದವರಿಗೆ ಯಶಸ್ಸು ಇರದು.

ವೃಷಭ: ಮನೆಯಲ್ಲಿ ಮಂಗಲ ಕಾರ್ಯದ ನಿರೀಕ್ಷೆ ಕಂಡುಬಂದು ಸಂತಸವಾಗಲಿದೆ. ಆದರೂ ಆರೋಗ್ಯದ ಬಗ್ಗೆ ಸ್ವಲ್ಪ ಚಿಂತಿತರಾರುವಿರಿ. ಧನಾತ್ಮಕವಾಗಿ ಚಿಂತಿಸುವುದು. ಸರಕಾರಿ ಅಧಿಕಾರಿಗಳಿಗೆ ಭವಣೆ ತಪ್ಪದು.

ಮಿಥುನ: ವಿದ್ಯಾರ್ಥಿಗಳಿಗೆ ಆಗಾಗ ಉದಾಸೀನತೆ ಕಾಡಲಿದೆ. ಧನಾಧಿಪತಿ ಧನಲಕ್ಷ್ಮಿಯು ಚಂಚಲೆಯಾದ ಕಾರಣ ಆರ್ಥಿಕ ಪರಿಸ್ಥಿತಿಯ ಕಣ್ಣುಮುಚ್ಚಾಲೆ ಆಡಲಿದೆ. ವೃತ್ತಿರಂಗದಲ್ಲಿ ಅನಾವಶ್ಯಕ ನಿಷ್ಠೂರ ಕಟ್ಟಿಕೊಳ್ಳುವಿರಿ.

ಕರ್ಕ: ವೃತ್ತಿರಂಗದಲ್ಲಿ ಅನಾವಶ್ಯಕ ನಿಷ್ಠೂರತೆಗೆ ಕಾರಣರಾಗಿ ಅಸಮಾಧಾನ ಕಂಡು ಬರಲಿದೆ. ಕೌಟುಂಬಿಕ ಸಮಸ್ಯೆಗಳು ದಾಯಾದಿಗಳಿಂದ ಕೋರ್ಟುಕಟ್ಟೆ ಹತ್ತಲಿದೆ. ಪದೇ ಪದೇ ಅಲ್ಪಸ್ವಲ್ಪ ಅನಾರೋಗ್ಯ ಕಂಡು ಬಂದು ಕಿರಿಕಿರಿ.

ಸಿಂಹ: ನಿರುದ್ಯೋಗಿಗಳಿಗೆ ತಾತ್ಕಾಲಿಕ ಉದ್ಯೋಗ ದೊರೆತು ಸಮಾಧಾನವಾಗಲಿದೆ. ಕುಟುಂಬದ ಬಿರುಕು ಗಳು ಪುನಃ ಜೋಡಣೆಯಾಗಲಿದೆ. ತಾರುಣ್ಯದ ಮಂದಿಗೆ ಕನಸಿನ ಕನ್ಯೆಯು ಬಾಳ ಸಂಗಾತಿಯು ದೊರಕಲಿದ್ದಾಳೆ. ಶುಭವಿದೆ.

ಕನ್ಯಾ: ಧನಾತ್ಮಕವಾಗಿ ಚಿಂತಿಸಿ ಎಲ್ಲಾ ವಿಚಾರದಲ್ಲಿ ಮುನ್ನಡೆದಲ್ಲಿ ಜಯ ಗಳಿಸುವಿರಿ. ವಿದ್ಯಾರ್ಥಿಗಳಿಗೆ ಏಕಾಗ್ರತೆಯ ಅವಶ್ಯಕತೆ ಇದೆ. ಕಾರ್ಯತಂತ್ರಗಳ ಒದ್ದಾಟ ದೇಹಾಯಾಸಕ್ಕೆ ಕಾರಣವಾದೀತು. ಸಾಂಸಾರಿಕವಾಗಿ ಮನದನ್ನೆಯ ಮಾತು ಮೀರದಿರಿ.

ತುಲಾ: ಸಾಂಸಾರಿಕವಾಗಿ ಮಕ್ಕಳ ಶ್ರೇಯಸ್ಸಿನಿಂದ ಸಂತಸವಾಗಲಿದೆ. ಕಾರ್ಯರಂಗದಲ್ಲಿ ಶತ್ರುಗಳು ತಾವಾಗಿಯೇ ನಿಮ್ಮೆಡೆಗೆ ಆಕರ್ಷಿತರಾದಾರು. ವೃತ್ತಿರಂಗದಲ್ಲಿ ಉನ್ನತಿಯ ಲಕ್ಷಣಗಳು ಗೋಚರಕ್ಕೆ ಬಂದಾವು. ಪ್ರಯಾಣವಿದೆ.

ವೃಶ್ಚಿಕ: ಅವಿವಾಹಿತರಿಗೆ ಹೊಂದಾಣಿಕೆಯ ಮನಸ್ಸು ಮಾಡಿದ್ದಲ್ಲಿ ಕಂಕಣಬಲ ಕೂಡಿಬರಲಿದೆ. ಆದಾಯ ಹೆಚ್ಚಿಸಲು ಮನಸ್ಸು ಮಾಡಿರಿ. ಆಟೋಟಗಳಲ್ಲಿ ಕ್ರೀಡಾಪಟುಗಳಿಗೆ ಗೆಲುವಿದೆ. ವೃತ್ತಿಕ್ಲೇಶ, ಅಪವಾದ ಭೀತಿ ತಂದೀತು.

ಧನು: ನಿಮ್ಮ ಸುತ್ತ ಸ್ವಲ್ಪ ಮಟ್ಟಿಗೆ ಯಶಸ್ಸು ಗೋಚರಕ್ಕೆ ಬರಲಿದೆ. ಆಗಾಗ ವೃತ್ತಿಕ್ಲೇಶ ಅಪವಾದ ಭೀತಿ ತೋರಿ ಬಂದೀತು. ವೃತ್ತಿಪರರಿಗೆ ಸ್ವಲ್ಪ ಮಟ್ಟಿನ ಬದಲಾವಣೆ ಸಂಭವವಿದೆ. ಸಹನೆ, ತಾಳ್ಮೆ ಅಗತ್ಯ.

ಮಕರ: ವ್ಯಾಪಾರ ವಹಿವಾಟಿನಲ್ಲಿ ಒಳ್ಳೆಯ ಆದಾಯ ಇರುತ್ತದೆ. ಆಸಿಪಾಸ್ತಿಗಳಿಗಾಗಿ ಧನವ್ಯಯ ಕಂಡುಬಂದೀತು. ಆರ್ಥಿಕವಾಗಿ ನಾನಾ ರೀತಿಯಲ್ಲಿ ಮೂಲಧನ ವೃದ್ಧಿಯಾದೀತು. ಅವಮಾನ ಪ್ರಸಂಗವು ಎದುರಾದೀತು.

ಕುಂಭ: ಆದಾಯ ವೃದ್ಧಿಯೂ, ಖರ್ಚು ಅಧಿಕವಿದ್ದೀತು. ಗೃಹದಲ್ಲಿ ಶುಭಮಂಗಲ ಕಾರ್ಯದಲ್ಲಿ ಭಾಗವಹಿಸುವಿರಿ. ಉದ್ಯೋಗಸ್ಥ ಮಹಿಳೆಯರಿಗೆ ಉತ್ತಮ ಅವಕಾಶಗಳು ಒದಗಿ ಬಂದೀತು. ಅವಿವಾಹಿತರಿಗೆ ಒಳ್ಳೆಯ ಸುದ್ಧಿ.

ಮೀನ: ಅವಿವಾಹಿತರು ಮಂಗಲ ಕಾರ್ಯಗಳ ಸಿದ್ಧತೆಯನ್ನು ಮಾಡಲಿದ್ದಾರೆ. ಕೋರ್ಟು ಕಚೇರಿ ಕಾರ್ಯಭಾಗಗಳಲ್ಲಿ ಹೆಚ್ಚಿನ ಧನವ್ಯಯವಾದರೂ ತೀರ್ಪು ನಿಮ್ಮ ಪರವಾಗಲಿದೆ. ಸಹನೆ, ಆತ್ಮವಿಶ್ವಾಸದ ಅಗತ್ಯವಿದೆ.

ಎನ್ .ಎಸ್ ಭಟ್