ಈ ರಾಶಿಯವರಿಂದು ಯಾರೊಂದಿಗೂ ವ್ಯವಹರಿಸುವಾಗ ಹೆಚ್ಚಿನ ಎಚ್ಚರಿಕೆಯ ಅಗತ್ಯವಿರುತ್ತದೆ

08-06-2021

ಮೇಷ: ನಿಮ್ಮ ಆಪ್ತರು ಬೇಜವಾಬ್ದಾರಿಯಿಂದ ವರ್ತಿಸಬಹುದು. ಅವರ ಹೊಣೆಗೇಡಿತನವು ನಿಮ್ಮನ್ನು ಕಾರ್ಯರಂಗದಲ್ಲಿ ಕಷ್ಟಕ್ಕೆ ಸಿಲುಕಿಸದಂತೆ ಎಚ್ಚರ ವಹಿಸಿರಿ. ಅನಿರೀಕ್ಷಿತವಾಗಿ ದೂರ ಸಂಚಾರ ಕಂಡುಬಂದೀತು.

ವೃಷಭ: ಕೆಲವೊಮ್ಮೆ ಯಾವ ವಿಷಯದಲ್ಲೂ ಸಮಾಧಾನವು ಸಿಗದು. ಎಲ್ಲಾ ರೀತಿಯಿಂದಲೂ ಮನಸ್ಸಿಗೆ ನೆಮ್ಮದಿ ಇರದು. ಕೌಟುಂಬಿಕವಾಗಿ ಹಿತಶತ್ರುಗಳಿಂದ ಕಿರುಕುಳ ಕಂಡುಬಂದೀತು. ಸಾಧಾರಣ ಆರೋಗ್ಯವಿರುತ್ತದೆ.

ಮಿಥುನ: ಕಾರ್ಯ ಒತ್ತಡವು ಹೆಚ್ಚಾಗಿ ಅಸಹನೆಯು ಕಾಡಲಿದೆ. ಸದ್ಯದಲ್ಲೇ ಮಾನಸಿಕವಾಗಿ ಕಾಡುತ್ತಿದ್ದ ಸಮಸ್ಯೆಗಳು ಪರಿಹಾರವಾಗುತ್ತದೆ. ಸಾರ್ವಜನಿಕ ವಲಯದಲ್ಲಿ ಸಾಕಷ್ಟು ಸಹಕಾರ ಸಿಗದು. ಬೇಸರಗೊಳ್ಳದಿರುವುದೇ ಲೇಸು.

ಕರ್ಕ: ಯಾರೊಂದಿಗೂ ವ್ಯವಹರಿಸುವಾಗ ಹೆಚ್ಚಿನ ಎಚ್ಚರಿಕೆಯ ಅಗತ್ಯವಿರುತ್ತದೆ. ತಪ್ಪಿದಲ್ಲಿ ಪ್ರತಿಕೂಲ ಪರಿಣಾಮ ಉಂಟಾದೀತು. ಆರ್ಥಿಕವಾಗಿ ಏರುಪೇರು ಕಂಡು ಬಂದೀತು. ಅಚ್ಚುಕಟ್ಟಾಗಿ ಖರ್ಚನ್ನು ನಿಭಾಯಿಸಿದರೆ ಉತ್ತಮ.

ಸಿಂಹ: ಯಾರೊಡನೆ ಅತೀ ಸ್ನೇಹ, ಅತೀ ಸಲುಗೆ ಸಲ್ಲದು. ನಿಮ್ಮ ಆತಂರಿಕ ವಿಚಾರವನ್ನು ಇತರರೊಂದಿಗೆ ಹಂಚಿಕೊಳ್ಳದಿರಿ. ಇತರರಿಗೆ ಆಡಿಕೊಳ್ಳಲು ಆಸ್ಪದ ನೀಡದಿರಿ. ಮನಸ್ಸಿಗೆ ನೆಮ್ಮದಿಯನ್ನು ಕಾಯ್ದುಕೊಳ್ಳಿರಿ.

ಕನ್ಯಾ: ವಿದ್ಯಾರ್ಥಿಗಳಿಗೆ ವಿದ್ಯಾಭ್ಯಾಸದಲ್ಲಿ ಉದಾಸೀನತೆ ಕಂಡುಬಂದು ಹಿಂಜರಿಕೆ ಆದೀತು. ಮಕ್ಕಳ ವಿಷಯದಲ್ಲಿ ಎಚ್ಚರಿಕೆ ಅಗತ್ಯವಿದೆ. ಪತ್ನಿಯೊಂದಿಗೆ ಉತ್ತಮ ರೀತಿಯಲ್ಲಿ ವ್ಯವಹರಿಸಿರಿ. ಸಾಂಸಾರಿಕವಾಗಿ ನೆಮ್ಮದಿ ಇದೆ.

ತುಲಾ: ನಿರಾಶಾ ಮನೋಭಾವವು ಕಾಡಲಿದೆ. ಆದರೂ ನಿಮ್ಮ ಅಭಿವೃದ್ಧಿಗೆ ಎಲ್ಲವೂ ಪೂರಕವಾಗಲಿದೆ. ಆಸಕ್ತಿದಾಯಕ ವ್ಯಕ್ತಿಗಳಿಂದ ಅನುಕೂಲಕರವಾದ ಕೆಲಸವಾಗಲಿದೆ. ಸಾಮಾಜಿಕ ಚಟುವಟಿಕೆಗಳಲ್ಲಿ ಉತ್ಸಾಹ ಕಂಡುಬಂದೀತು.

ವೃಶ್ಚಿಕ: ಯಾವ ಕೆಲಸವನ್ನು ಕೈಗೊಂಡು ಮಾಡ  ಬೇಕಾದರೆ ಯೋಜನೆಯನ್ನು ರೂಪಿಸಿಕೊಳ್ಳಿರಿ. ನಿಮ್ಮ ಮೇಲಿನ ಅಧಿಕಾರಿಗಳಿಂದ ಮೆಚ್ಚುಗೆ ಗಳಿಸುವಿರಿ. ಸಾಂಸಾರಿಕವಾಗಿ ನೆಮ್ಮದಿಯ ದಿನಗಳಿವು. ಮಕ್ಕಳಿಂದ ಸಂತಸವಿದೆ.

ಧನು: ನಿಮಗೆ ಮಹತ್ವದ ದಿನಗಳು ಇವು. ನಿಮಗೆ ಆತ್ಮೀಯ ಹಾಗೂ ಪ್ರೀತಿಪಾತ್ರರಾದ ಜನರೊಂದಿಗೆ ಸಮಯ ಕಳೆಯುವ ಅವಕಾಶ ಒದಗಿ ಬಂದೀತು. ವೃತ್ತಿರಂಗದಲ್ಲಿ ನಾನಾ ತರಹದ ಸಮಸ್ಯೆಗಳು ಇದ್ದಾವು.

ಮಕರ: ಎಂತಹ ಸಮಸ್ಯೆಗಳು ಬಂದರೂ ಅವನ್ನು ಸಹನೆಯಿಂದ ಎದುರಿಸುವಿರಿ. ಅದರಲ್ಲಿ ನಿಮಗೆ ಗೆಲುವು ಕಂಡುಬರಲಿದೆ. ಖಾಸಗಿ ಬದುಕಿನಲ್ಲಿ ಸಣ್ಣಪುಟ್ಟ ನಿರಾಸೆಗಳು ನಿಮ್ಮನ್ನು ಕಾಡಲಿದೆ. ಚಿಂತೆ ಬೇಡ.

ಕುಂಭ: ನಿಮ್ಮ ಜೀವನ ಶೈಲಿಯನ್ನು ಮನೆಯಲ್ಲಿ ಎಲ್ಲರೂ ಒಪ್ಪುವ ಹಾಗೆ ಬದಲಾಯಿಸಿಕೊಳ್ಳಿರಿ. ನಿವೇಶನ ಯಾ ಜಾಗ ಖರೀದಿಯ ಬಗ್ಗೆ ಮಾತುಕತೆಗಳು ನಡೆದೀತು. ಕೆಲಸ ಕಾರ್ಯಗಳು ನಿಧಾನಗತಿ ಕಂಡಾವು.

ಮೀನ: ಕೌಟುಂಬಿಕವಾಗಿ ನೀವು ನಂಬಿದವರೇ ನಿಮಗೆ ಕೈಕೊಟ್ಟಾರು. ಹಣಕಾಸಿನ ಸ್ಥಿತಿಯು ಸುಧಾರಿಸುತ್ತಾ ಹೋದರೂ ಖರ್ಚುವೆಚ್ಚವು ಅಷ್ಟೇ ಕಂಡುಬರಲಿದೆ. ಯಾರಿಗೂ ನಂಬಿ ಸಾಲ ಕೊಟ್ಟು ಕೈ ಸುಟ್ಟುಕೊಳ್ಳದಿರಿ.

ಎನ್‌.ಎಸ್‌. ಭಟ್‌