ಈ ರಾಶಿಯವರಿಂದು ಪತ್ನಿಯಿಂದ ಎಲ್ಲದಕ್ಕೂ ಸಲಹೆ ಪಡೆಯ ಬೇಕಾಗಬಹುದು

03-06-2021

ಮೇಷ: ಇಡೀ ದಿನ ಉಲ್ಲಾಸ ಹಾಗೂ ಬಹು ಚಟುವಟಿಕೆಯಿಂದ ಕೂಡಿದ ನಿಮ್ಮ ಜೀವನದಲ್ಲಿ ಕೆಲವು ಏರುಪೇರುಗಳು ಕಂಡುಬರಲಿದೆ. ಧೈರ್ಯದಿಂದ ಎದುರಿಸುವುದನ್ನು ಮುಂದುವರಿಸಿರಿ. ತಾಳ್ಮೆ ಬೇಕು.

ವೃಷಭ: ಸಾಂಸಾರಿಕವಾಗಿ ಸಂಬಂಧಗಳು ನೀವು ಬಯಸಿದಂತೆ ಗಟ್ಟಿಯಾಗಲಿದೆ. ವಿದ್ಯಾರ್ಥಿಗಳು ತಮ್ಮ ಪ್ರಯತ್ನಬಲವನ್ನು ಮುನ್ನಡೆಸಬೇಕು. ಯಾರೊಡನೆ ವ್ಯವಹರಿಸುವಾಗ ಜಾಗ್ರತೆ ಮಾಡಿದರೆ ಉತ್ತಮ.

ಮಿಥುನ: ನೀವು ದುಡುಕಿ ತಪ್ಪು ಹೆಜ್ಜೆ ಇಟ್ಟಲ್ಲಿ ಪ್ರತಿಕೂಲ ಪರಿಣಾಮ ಉಂಟಾಗಲಿದೆ. ಆರ್ಥಿಕವಾಗಿ ಏರುಪೇರು ಉಂಟಾಗಬಹುದು ಅದನ್ನು ನಾಜೂಕಿನಿಂದ ಪರಿಹರಿಸಿಕೊಳ್ಳಿರಿ. ವೃತ್ತಿರಂಗದಲ್ಲಿ ಸಹನೆ ಇರಲಿ.

ಕರ್ಕ: ಪ್ರಮುಖ ವಿಷಯಗಳನ್ನು ವ್ಯಕ್ತಪಡಿಸುವಲ್ಲಿ ಹಿಂಜರಿಕೆ ಬೇಡ. ವಿದ್ಯಾರ್ಥಿಗಳಿಗೆ ನಡತೆ ತಪ್ಪದಂತೆ ಜಾಗ್ರತೆ ಮಾಡುವುದು ನಿಮ್ಮ ಕರ್ತವ್ಯವಾಗಿದೆ. ಕೌಟುಂಬಿಕವಾಗಿ ತುಸು ನೆಮ್ಮದಿ, ಸಹನೆಯ ದಿನಗಳಿವು.

ಸಿಂಹ: ಅವಿವಾಹಿತರಿಗೆ ಆಗಾಗ ಹಿನ್ನೆಡೆ ತೋರಿಬಂದು ನಿರಾಶಾ ಮನೋಭಾವದಿಂದ ಮನ ಮುದುಡಲಿದೆ. ಮಾನಸಿಕ ಚಿಂತನೆ ಇತರರಿಂದ ಶ್ಲಾಘನೆ ಪಡೆಯಲಿದೆ. ಒಮ್ಮೊಮ್ಮೆ ಎಲ್ಲವೂ ಸರಿಯಾಗಿಲ್ಲ ಎಂಬಂತೆನಿಸಲಿದೆ.

ಕನ್ಯಾ: ನಿಮ್ಮ ಮನಸ್ಸಿಗೆ ತೋಚಿದ್ದನ್ನು ಮಾಡಿಕೊಂಡು ಹೋದರೆ ಅನಾಹುತವಾದೀತು. ಪತ್ನಿಯಿಂದ ಎಲ್ಲಕ್ಕೂ ಸಲಹೆ ಪಡೆಯಿರಿ. ಕೋಪದ ಕೈಗೆ ಬುದ್ಧಿ ಕೊಡದಿರಿ. ಕಾರ್ಯ ಒತ್ತಡದಿಂದ ಅಸಹನೆ ಕಾಡಲಿದೆ.

ತುಲಾ: ಮಾನಸಿಕವಾಗಿ ಕಾಡುತ್ತಿದ್ದ ಸಮಸ್ಯೆಗೆ ಪರಿಹಾರ ದೊರಕಲಿದೆ. ಸಾರ್ವಜನಿಕ ವಲಯದಲ್ಲಿ ಸಾಕಷ್ಟು ಸಹಕಾರ ಸಿಗದೆ ಬೇಸರ ತಂದೀತು. ಲಾಭಾದಿಕ್ಯ ಹೆಚ್ಚಾಗಿರುವುದರಿಂದ ಮನಸ್ಸಿನ ಕ್ಲೇಶಗಳೆಲ್ಲ ಮಾಯವಾದೀತು .

ವೃಶ್ಚಿಕ: ನಿಮ್ಮ ಅತೀ ಪ್ರೀತಿಪಾತ್ರರು ನಿಮ್ಮೊಂದಿಗೆ ಬೇಜಾವಾಬ್ದಾರಿಯಿಂದ ವರ್ತಿಸಲಿದ್ದಾರೆ. ಅವರ ಹೊಣೆಗೇಡಿತನವು ನಿಮ್ಮನ್ನು ಇಕ್ಕಟ್ಟಿಗೆ ಸಿಕ್ಕಿಸಲಿದೆ. ಎಚ್ಚರದಿಂದಿರಿ. ಅನಿರೀಕ್ಷಿತವಾಗಿ ಅತಿಥಿಗಳು ಬಂದು ಸಂತಸ.

ಧನು: ಸಾಮಾಜಿಕ ಚಟುವಟಿಕೆಗಳಲ್ಲಿ ಹಿನ್ನಡೆ ಕಂಡು ಬರಲಿದೆ. ಗೌರವ, ಪ್ರಶಸ್ತಿ, ಪ್ರಶಂಸೆ ಸಲ್ಲಬಹುದು ಎಂದು ನಿರೀಕ್ಷಿಸುವ ನಿಮಗೆ ನಿರಾಸೆಯಾಗಲಿದೆ. ಆದರೂ ಮುಂದಕ್ಕೆ ನಿಮಗೆ ಎಲ್ಲವೂ ಹುಡುಕಿಕೊಂಡು ಬಂದೀತು.

ಮಕರ: ಸಾಂಸಾರಿಕ ಜೀವನವು ಸಮಾಧಾನಕರವಾದರೂ ಹೊಂದಾಣಿಕೆಯ ಅಗತ್ಯ ಕಂಡು ಬರುವುದು. ಎಲ್ಲವೂ ನಿಮ್ಮ ಮೂಗಿನ ನೇರಕ್ಕೆ ನಡೆಯದು. ಪತ್ನಿಯ ಕಿರಿಕಿರಿ ಬೇಸರ ತಂದೀತು. ಮಕ್ಕಳ ಆಟದಿಂದ ಸಂತಸ.

ಕುಂಭ: ಕಾರ್ಯರಂಗದಲ್ಲಿ ಆಪ್ತರ ಸಲಹೆಗಳು ಸ್ವೀಕರಿಸಿದ್ದಲ್ಲಿ ಒಳಿತು ಕಂಡುಬರುವುದು. ಕಠಿಣ ಪರಿಶ್ರಮ ಆತ್ಮವಿಶ್ವಾಸಕ್ಕೆ ಸರಿಯಾದ ರೀತಿಯಲ್ಲಿ ದುಡಿಮೆಗೆ ತಕ್ಕ ಪ್ರತಿಫ‌ಲವು ದೊರಕಲಿದೆ. ಮುನ್ನಡೆಯಿರಿ.

ಮೀನ: ಸಹೋದ್ಯೋಗಿಗಳೊಡನೆ ಗುಣಾತ್ಮಕ ವರ್ತನೆ ತೋರಿಸಿರಿ. ಯಶಸ್ಸು ನಿಮ್ಮನ್ನು ಹಿಂಬಾಲಿಸುವುದು. ವಿದ್ಯಾರ್ಥಿಗಳಿಗೆ ಅಭ್ಯಾಸದಲ್ಲಿ ಚಂಚಲತೆ, ಮಾನಸಿಕ ದೃಢತೆ ಕಡಿಮೆಯಾಗಲಿದೆ. ವಿಶ್ವಾಸ ಬಿಡದಿರಿ.

ಎನ್‌.ಎಸ್‌. ಭಟ್