ಕೊಂಬು ಮಾರಾಟ: ನಾಲ್ವರ ಬಂಧನ 

ಮೂಡಿಗೆರೆ: ಕಾಡು ಪ್ರಾಣಿಗಳ ಕೊಂಬು ಮಾರಾಟ ಮಾಡಲು ಯತ್ನಿಸುತ್ತಿದ್ದ ನಾಲ್ವರನ್ನು ಅರಣ್ಯ ಇಲಾಖೆ ಅಧಿಕಾರಿಗಳು ಬಂಧಿಸಿದ್ದಾರೆ. ಕುಂಬರಡಿ ಗ್ರಾಮದ ಸುರಕ್ಷಿತ್‌, ಸುಮಿತ್ರ, ಪ್ರಸನ್ನ, ನವೀನ್‌ ಕುಮಾರ್‌ ಬಂಧಿತ ಆರೋಪಿಗಳು. ಇವರಿಂದ ಒಂದು ಕಡವೆ ಕೊಂಬು, ಮೂರು ಜಿಂಕೆ ಕೊಂಬು ಮತ್ತು ಬೈಕ್‌ ವಶಪಡಿಸಿಕೊಳ್ಳಲಾಗಿದೆ. ಆರೋಪಿಗಳು ಸೋಮವಾರ ಬೆಳಗ್ಗೆ ಕುಂಬರಡಿಯಿಂದ ಮೂಡಿಗೆರೆ ಕಡೆಗೆ ಕೊಂಬುಗಳನ್ನು ತೆಗೆದುಕೊಂದು ಬರುತ್ತಿದ್ದ ವೇಳೆ ಬಕ್ಕಿ ಗ್ರಾಮದ ಸಮೀಪ ಅಧಿಕಾರಿಗಳು ದಾಳಿ ನಡೆಸಿ ಬಂಧಿಸಿದ್ದಾರೆ. ಬಂಧಿತರನ್ನು ನ್ಯಾಯಾಂಗ ವಶಕ್ಕೆ ಒಪ್ಪಿಸಲಾಗಿದೆ ಎಂದು ಎಸಿಎಫ್‌ ಮುದ್ದಣ್ಣ ತಿಳಿಸಿದ್ದಾರೆ.

ಕಾರ್ಯಾಚರಣೆಯಲ್ಲಿ ಆರ್‌ಎಫ್‌ಒ ಪ್ರಸಾದ್‌,ಡಿಆರ್‌ಎಫ್‌ಒಗಳಾದ ಸುಹಾಸ್‌, ಚಿದಾನಂದ, ಶಿವಕುಮಾರ್‌, ಶಿವರಾಜ್‌ ನಾಯಕ್‌ ಮತ್ತು ಪೊಲೀಸ್‌ ಅರಣ್ಯ ಸಂಚಾರಿ ದಳದ ಚಂದ್ರೇಗೌಡ ಪಾಲ್ಗೊಂಡಿದ್ದರು.