ಪ್ರೇಮಾನಂದ ಗವಸ ಅವರಿಗೆ ಗೌರವ ಡಾಕ್ಟರೇಟ್ : ಹರ್ಷ ವ್ಯಕ್ತಪಡಿಸಿದ ಆರ್.ವಿ.ದೇಶಪಾಂಡೆ

ದಾಂಡೇಲಿ : ದಾಂಡೇಲಿಯ ಉದ್ಯಮಿ ಹಾಗೂ ಸಮಾಜಿಕ ಹೋರಾಟಗಾರರಾದ ಪ್ರೇಮಾನಂದ ಗವಸ ಅವರು ದೆಹಲಿಯ ವಿಶ್ವ ಹ್ಯೂಮನ್ ರೈಟ್ಸ್ ಪ್ರೊಟೆಕ್ಷನ್ ಕಮೀಶನ್ ಇವರಿಂದ ಪ್ರತಿಷ್ಟಿತ ಗೌರವ ಡಾಕ್ಟರೇಟ್ ಪದವಿಗೆ ಭಾಜನರಾಗಿರುವುದಕ್ಕೆ ನಗರದಲ್ಲಿ ಶಾಸಕರಾದ ಆರ್.ವಿ.ದೇಶಪಾಂಡೆಯವರು ಹರ್ಷ ವ್ಯಕ್ತಪಡಿಸಿ ಅಭಿನಂದನೆಗಳನ್ನು ಸಲ್ಲಿಸಿದ್ದಾರೆ.

ಅವರು ನಗರದಲ್ಲಿ ಮಾಧ್ಯಮದ ಜೊತೆ ಮಾತನಾಡುತ್ತಾ, ಪ್ರೇಮಾನಂದ ಗವಸ ಅವರಿಗೆ ಈ ಗೌರವ ದೊರೆತಿರುವುದು ನಮಗೆಲ್ಲ ಅಭಿಮಾನದ ವಿಚಾರ. ಈ ಗೌರವ ಪ್ರೇಮಾನಂದ ಗವಸ ಅವರಿಗೆ ಮತ್ತಷ್ಟು ಜನಪರ ಕಾರ್ಯಚಟುವಟಿಕೆಗಳನ್ನು ಕೈಗೊಳ್ಳಲು ಪ್ರೇರಣೆಯಾಗಲೆಂದರು.