ಉದ್ಯಾನವನ ಪಾಲಕರಿಗೆ ಸನ್ಮಾನ

ಮುಳಗುಂದ: ಸ್ಥಳೀಯ ಪಟ್ಟಣ ಪಂಚಾತ್‌ ವತಿಯಿಂದ ವಿಶ್ವ ಪರಿಸರ ದಿನಾಚರಣೆ ಅಂಗವಾಗಿ ಸಸಿ ನೆಡುವ ಹಾಗೂ ಉದ್ಯಾನವನ ಪಾಲಕರಿಗೆ ಸನ್ಮಾನ ಸಮಾರಂಭ ನಡೆಯಿತು. ಈ ಸಂದರ್ಭದಲ್ಲಿ ಮಾತನಾಡಿದ ಮುಖ್ಯಾಧಿಕಾರಿ ಸತೀಶ ಚವಡಿ, ಮರ-ಗಿಡಗಳು ಇಂದು ನಮಗೆ ಮೂಲಾಧಾರವಾಗಿದ್ದು, ಎಲ್ಲರೂ ಸಸಿಗಳನ್ನು ನೆಡುವ ಕಾರ್ಯದಲ್ಲಿ ಸಕ್ರೀಯವಾಗಿ ಭಾಗವಹಿಸಿ ಗಿಡ-ಮರ ಬೆಳೆಸಬೇಕು ಎಂದರು. ಇದೇ ವೇಳೆ ಪಪಂ ಉದ್ಯಾನವನ ಅಚ್ಚುಕಟ್ಟಾಗಿ ನಿರ್ವಹಣೆ ಮಾಡಿದ ಬಸಪ್ಪ ಕಾಳೆ ಅವರನ್ನು ಸನ್ಮಾನಿಸಲಾಯಿತು. ಪಪಂ ಸದಸ್ಯರಾದ ಮಹಾಂತೇಶ ನೀಲಗುಂದ, ಕೆ.ಎಲ್. ಕರಿಗೌಡ್ರ, ಬಸವರಾಜ ಹಾರೋಗೇರಿ, ರಾಜು ದೇಶಪಾಂಡೆ, ಮಹದೇವಪ್ಪ ಗಡಾದ, ಷಣ್ಮುಖಪ್ಪ ಬಡ್ನಿ ಇತರರಿದ್ದರು.