Tata Steel ಅಖಿಲ ಭಾರತ ವಿಶೇಷ ಚೇತನರ ಚೆಸ್ ಟೂರ್ನಿ; ಹೊನ್ನಾವರದ ಸಮರ್ಥ ಚಾಂಪಿಯನ್

ಹೊನ್ನಾವರ: ಟಾಟಾ ಸ್ಟೀಲ್ 4ನೇ ಅಖಿಲ ಭಾರತ ವಿಶೇಷ ಚೇತನರ ಚೆಸ್ ಟೂರ್ನಿಯಲ್ಲಿ ಹೊನ್ನಾವರದ ಸಮರ್ಥ ಜಗದೀಶ್ ರಾವ್ ಚಾಂಪಿಯನ್ ಆಗಿ ಹೊರ ಹೊಮ್ಮಿದ್ದಾರೆ.

ಜೂ. 24 ರಿಂದ 28ರ ವರೆಗೆ ನಡೆದ 9 ಸುತ್ತಿನ ಪಂದ್ಯದಲ್ಲಿ 7.5 ಅಂಕ ಗಳಿಸಿದ ಹೊನ್ನಾವರದ ಸಮರ್ಥ ಜಗದೀಶ್ ರಾವ್ ಚಾಂಪಿಯನ್ ಆಗಿದ್ದಾರೆ. ಈ  ಸ್ಪರ್ಧೆಯಲ್ಲಿ ದೇಶದ 14 ರಾಜ್ಯಗಳಿಂದ 68 ಆಟಗಾರರು ಪಾಲ್ಗೊಂಡಿದ್ದರು.

ಇವರು ಕೆನರಾ ಬ್ಯಾಂಕ್ ನಿವೃತ್ತ ಉದ್ಯೋಗಿ ಜಗದೀಶ್ ರಾವ್ ಮತ್ತು ಹೊನ್ನಾವರ ಸರಕಾರಿ ಐಟಿಐ ತರಬೇತಿ ಅಧಿಕಾರಿ ವಿನುತಾ ಭಟ್ ದಂಪತಿಯ ಪುತ್ರ.

2024ರ ಜುಲೈ 19 ರಿಂದ 28 ರ ವರೆಗೆ ಅರ್ಮೇನಿಯದಲ್ಲಿ ನಡೆಯುವ 23ನೇ ಐ.ಪಿ.ಸಿ.ಎ. ವಿಶ್ವ ಮಟ್ಟದ ಚೆಸ್ ಟೂರ್ನಿಯಲ್ಲಿ ಭಾರತದ ಪರವಾಗಿ ಸಮರ್ಥ ಜಗದೀಶ್ ರಾವ್ ಭಾಗವಹಿಸುವ ತಯಾರಿಯಲ್ಲಿದ್ದಾರೆ.