Hockey: ಪುರುಷರಿಗೆ 1-6 ಸೋಲು

ಡುಸೆಲ್ಡಾರ್ಫ್‌ (ಜರ್ಮನಿ): ಆತಿಥೇಯ ಜರ್ಮನಿ ವಿರುದ್ಧ 1-6 ಅಂತರದ ಸೋಲನುಭವಿಸಿದ ಭಾರತ, 4 ರಾಷ್ಟ್ರಗಳ ಪುರುಷರ ಜೂನಿಯರ್‌ ಹಾಕಿ ಪಂದ್ಯಾವಳಿಯಲ್ಲಿ ದ್ವಿತೀಯ ಸ್ಥಾನ ಪಡೆದಿದೆ.

ಭಾರತದ ಏಕೈಕ ಗೋಲನ್ನು ಸುದೀಪ್‌ ಚಿರ್ಮಾಕೊ 22ನೇ ನಿಮಿಷದಲ್ಲಿ ಹೊಡೆದರು. ಹಿಂದಿನ ಪಂದ್ಯದಲ್ಲಿ ಇಂಗ್ಲೆಂಡನ್ನು 4-0 ಗೋಲುಗಳಿಂದ ಮಣಿಸಿದ ಭಾರತಕ್ಕೆ, ಜರ್ಮನಿಯನ್ನು ಎದುರಿಸುವಾಗ ಇದರಿಂದ ಯಾವುದೇ ಲಾಭವಾಗಲಿಲ್ಲ. ಜರ್ಮನಿ ಕೂಟದ ಎಲ್ಲ ಪಂದ್ಯಗಳನ್ನು ಗೆದ್ದು ಚಾಂಪಿಯನ್‌ ಎನಿಸಿತು.