ಯೋಧ ಔರಂಗಜೇಬ್‌ರನ್ನು ಕೊಂದಿದ್ದ ಉಗ್ರನ ಹತ್ಯೆ

ಶ್ರೀನಗರ: ಕಳೆದ ವರ್ಷ ಜಮ್ಮು ಕಾಶ್ಮೀರದ ಯೋಧ ಔರಂಗಜೇಬ್‌ ಎಂಬುವರನ್ನು ಹತ್ಯೆ ಮಾಡಿದ್ದ ಉಗ್ರ ಶೌಕತ್‌ ದಾರ್‌ ಸೇರಿದಂತೆ ನಾಲ್ವರು ಉಗ್ರರನ್ನು ಶನಿವಾರ ನಡೆದ ಎರಡು ಪ್ರತ್ಯೇಕ ಎನ್‌ಕೌಂಟರ್‌ಗಳಲ್ಲಿ ಭದ್ರತಾ ಪಡೆಗಳು ಹೊಡೆದುರುಳಿಸಿವೆ. ಪುಲ್ವಾಮಾದ ಆವಂತಿಪೋರಾದಲ್ಲಿ ನಡೆದ ಗುಂಡಿನ ಚಕಮಕಿಯಲ್ಲಿ ಶೌಕತ್‌, ಇರ್ಫಾನ್‌ ವಾರ್‌ ಹಾಗೂ ಮುಜಫ‌್ಫರ್‌ ಶೇಖ್‌ ಎಂಬವರು ಮೃತಪಟ್ಟರೆ, ಬಾರಾಮುಲ್ಲಾದಲ್ಲಿ ನಡೆದ ಮತ್ತೂಂದು ಎನ್‌ಕೌಂಟರ್‌ನಲ್ಲಿ ಮತ್ತೂಬ್ಬ ಉಗ್ರ ಹತನಾಗಿದ್ದಾನೆ. ಈತನ ಗುರುತು ಪತ್ತೆಯಾಗಿಲ್ಲ. ಆದರೆ, ಈ ಎಲ್ಲಾ ಉಗ್ರರೂ ಹಿಜ್ಬುಲ್ ಮುಜಾಹಿದೀನ್‌ಗೆ ಸೇರಿದವರು ಎಂದು ಪೊಲೀಸರು ತಿಳಿಸಿದ್ದಾರೆ.

ಇವರಲ್ಲಿ, ಶೌಕತ್‌ ದಾರ್‌ ಪಂಜ್ಗಾಮ್‌ ಪ್ರಾಂತ್ಯಕ್ಕೆ ಸೇರಿದವನಾಗಿದ್ದು, ಇರ್ಫಾನ್‌ ಎಂಬಾತ ಸಪೋರೆ ಪಟ್ಟಣದ ವಡೂರ ಪಯೀನ್‌ ಎಂಬ ಪ್ರಾಂತ್ಯದವನಾಗಿದ್ದಾನೆ. ಇನ್ನು, ಮುಜಫ‌್ಫರ್‌ ಶೇಖ್‌, ಪುಲ್ವಾಮಾದ ತಹಾಬ್‌ ಎಂಬ ಪ್ರಾಂತ್ಯದನಾಗಿದ್ದಾನೆ ಪೊಲೀಸ್‌ ವಕ್ತಾರರು ತಿಳಿಸಿದ್ದಾರೆ.