ಹಿಟ್ಲರ್‌ ಫೋನು 1.60 ಕೋಟಿ ರೂ.ಗೆ ಹರಾಜು!

ವಾಷಿಂಗ್ಟನ್‌: ಅಡಾಲ್ಫ್ ಹಿಟ್ಲರ್‌ ಹಲೋ ಎಂದಿದ್ದ ಟೆಲಿಫೋನ್‌ ಈಗ ಭರ್ಜರಿ ಸುದ್ದಿಯಲ್ಲಿದೆ! ಜರ್ಮನಿಯ ಸರ್ವಾಧಿಕಾರಿ ಬಳಸಿದ್ದ ದೂರವಾಣಿಯನ್ನು ಹರಾಜು ಹಾಕಲಾಗಿದ್ದು, 1.60 ಕೋಟಿ ರೂಪಾಯಿಗೆ ಬಿಕರಿಯಾಗಿದೆ. 

1945ರ ಮಹಾಯುದ್ಧದಲ್ಲಿ ಜರ್ಮನ್‌ ಸೇನಾಪಡೆ ಸೋತ ಮೇಲೆ ಬರ್ಲಿನ್‌ ಬಂಕರ್‌ನಲ್ಲಿ ಈ ಫೋನ್‌ ಅನ್ನು ಅಮೆರಿಕದ ಸೈನಿಕರು ವಶಪಡಿಸಿಕೊಂಡಿದ್ದರು. ಕಪ್ಪು ಬೇಕ್‌ಲೈಟ್‌ ಫೋನ್‌ ಇದಾಗಿದ್ದು, ನಂತರದಲ್ಲಿ ಇದಕ್ಕೆ ಕಡುಗೆಂಪು ಬಣ್ಣವನ್ನು ಬಳಿಯಲಾಗಿತ್ತು. ಇದರ ಮೇಲಿನ ಅಡಾಲ್ಫ್ ಹಿಟ್ಲರ್‌ ಹೆಸರು ಇನ್ನೂ ಹಾಗೆಯೇ ಇದೆ. ಅಲೆಕ್ಸಾಂಡರ್‌ ಐತಿಹಾಸಿಕ ಹರಾಜು ಸಂಸ್ಥೆ ಇದನ್ನು ಹರಾಜಿಗಿಟ್ಟಿತ್ತು. 1ರಿಂದ 2 ಕೋಟಿ ರೂ.ವರೆಗೆ ಬಿಕರಿ ಆಗಬಹುದು ಎಂದು ಅಂದಾಜಿಸಿದ್ದ ಸಂಸ್ಥೆಗೆ ಕೊನೆಗೂ ಮೋಸ ಆಗಲಿಲ್ಲ. ಹರಾಜಿಗೆ ಪಡೆದ ವ್ಯಕ್ತಿಯ ಹೆಸರನ್ನು ಸಂಸ್ಥೆ ಗೌಪ್ಯವಾಗಿಟ್ಟಿದೆ.